Vashıngtonda Atlantıkalyq keńes ótkizgen vebınarda Memlekettik hatshynyń Ońtústik jáne Ortalyq Azııa isteri jónindegi kómekshisiniń orynbasary Djonatan Henık AQSh-ty Tájikstan men Qyrǵyzstan arasyndaǵy sońǵy oqıǵalar jigerlendirip otyrǵanyn basa aıtty, dep habarlaıdy "Adyrna" ulttyq portaly.
"Jaǵdaı túbegeıli sheshildi dep aıta almaımyz. Ol sheshilmegen. Adamdardyń úılerine oralyp, qalpyna keltirý jumystaryna jaǵdaı jasaý úshin beıbitshilik pen turaqtylyq qajet", - dedi AQSh-tyń syrtqy saıasat jónindegi ókili.
«Biz AQSh, árıne, Bishkek pen Dýshanbedegi elshilik arqyly eki eldiń basshylarymen tikeleı baılanysta otyrmyz. Biz olardyń Vashıngtondaǵy elshilikterimen baılanysqa shyqtyq. Kez-kelgen jaǵdaıda qaqtyǵysty beıbit jolmen sheshýdi usyndyq», - dedi Henık.
«Al, odan da mańyzdysy - biz shynymen de basshylyqty [Bishkek pen Dýshanbedegi] jaýapkershilikti óz moınyna alýǵa, jaǵdaıdyń qaıtalanbaýy úshin jaǵdaı jasaýǵa shaqyrdyq»,- dep sózin aıaqtady Henık.
Eske sala keteıik, Qyrǵyzstan men Tájikstan shekarasyndaǵy jaǵdaı 28 sáýirde Tatarstan Respýblıkasynyń azamattary Batken oblysynyń Kók-Tash aýylyndaǵy sý qabyldaǵyshqa beınebaqylaý kameralaryn ornatýdy bastaǵannan keıin ýshyǵyp ketken bolatyn. Aýyzsha qaqtyǵys nátıjesinde eki eldiń turǵyndary bir-birine tas laqtyra bastady. Keıinnen tájik tarapy ańshy myltyǵymen ótip bara jatqan qyrǵyz azamattarynyń kólikterine oq jaýdyra bastady.
"Adyrna" ulttyq portaly
