الماتىدا جەراستى ونلاين-كازينوسىن ۇيىمداستىرعان گرۋزيالىقتار ۇستالدى

3109
Adyrna.kz Telegram

الماتىدا گرۋزيانىڭ ەكى ازاماتى بىرنەشە رەت زاڭسىز ويىن بيزنەسىن ۇيىمداستىرعانى ءۇشىن سوتتالدى، دەپ حابارلايدى "ادىرنا" ۇلتتىق پورتالى.

"تەكسەرۋ بارىسىندا كومپيۋتەرلىك كلۋبتان تىيىم سالىنعان كاسىپ ءتۇرىن ۇيىمداستىرۋعا مۇمكىندىك بەرەتىن قوسىمشالارى بار ينتەرنەت-كازينولارعا ارنالعان 42 ويىن كومپيۋتەرلەرى انىقتالدى. اتاپ ايتساق، ستاۆكالاردى قابىلداۋ، ۇتىستاردى ەسەپتەۋگە ارنالعان ونلاين-قۇمار ويىندار", دەلىنگەن الماتىداعى جسق حابارلاماسىندا.

بۇعان دەيىن ءدال وسى مەكەن-جايدا ويىن زالىنىڭ سول ادامدار ۇيىمداستىرعان زاڭسىز ارەكەتتەرى توقتاتىلعان بولاتىن. سودان كەيىن 62 ويىن كومپيۋتەرلەرى مەن 3 ويىن تەرمينالدارى تاركىلەندى.

گرۋزيانىڭ ەكى ازاماتى قر قىلمىستىق كودەكسىنىڭ 307-بابى، 3-بولىگى، 2-تارماعىندا كوزدەلگەن قىلمىستى جاساعانى ءۇشىن كىنالى دەپ تانىلدى (اسا ءىرى كولەمدە تابىس اكەلە وتىرىپ، زاڭسىز ويىن بيزنەسىن ۇيىمداستىرۋ) ولارعا 4,6 جىلعا باس بوستاندىعىنان ايىرۋ جازاسى تاعايىندالدى، دەپ تولىقتىردى دەپارتامەنت.

سونىمەن قاتار، سوت زاڭسىز ويىن بيزنەسى ءۇشىن ءۇي جالداعان ءۇي يەسىنە قاتىستى سوتقا دەيىنگى تەرگەۋ امالدارىن قاراستىرۋدا.

"ادىرنا" ۇلتتىق پورتالى

پىكىرلەر