ۇلىلار ۇمىتىلمايدى!
الاشوردا وكىمەتىنىڭ سوڭعى تۇياعى، ءاليحان، احمەتتەردىڭ ءىزباسارى بولعان، قازاق جەرىنىڭ ساقتالىپ قالۋىنا جاستايىنان وراسان ۇلەسىن قوسىپ كەتكەن ۇلى تۇلعا ءالىمحان ەرمەكوۆ تۋعان كۇنى ەكەن بۇگىن. نە بارى 29 جاسىندا لەنينمەن 4 ساعات وتىرىپ، قازاق ەلىنىڭ شەكاراسىن بەكىتۋگە اتسالىسقان.
ءاليحان ەرمەكوۆتىڭ ەڭ ۇلى ەڭبەكتەرىنىڭ ءبىرى — قازاق اۆتونومياسى شەكاراسىنىڭ بىرتۇتاستىعىن جانقيارلىقپەن قورعاۋى. وسى ورايدا ول 1920 جىلى 17 تامىزدا لەنيننىڭ توراعالىعىمەن وتكەن قازاق وكىلدەرى قاتىسقان حالىق كوميسسارلارى كەڭەسىنىڭ ماجىلىسىندە قازاق اۆتونومياسى تۋرالى ماسەلە قارالعاندا، قازاقستاننىڭ جاعدايى تۋرالى ءا.ەرمەكوۆ بايانداما جاسايدى. وندا ول جەر، قازاقستاننىڭ شەكاراسى تۋرالى ماسەلەلەردى قامتىپ، وكتەمشىل، وزبىر، وتارشىلدىق پيعىلداعى وكىلدەرمەن قىزۋ ايتىسقا ءتۇسىپ، ءوز پىكىرىن تياناقتى، جان-جاقتى، بۇلتارتپاس دالەلدەرمەن قورعاپ شىعادى.
وكۋپانتتار ءوز كىناسىن مويىنداپ، ناتيجەسىندە، كەزىندە قازاقتاردان تارتىپ الىنعان كاسپيدىڭ تەرىسكەي جاعالاۋىنداعى ەنى ءبىر شاقىرىمدىق جانە ەرتىستىڭ سول جاعالاۋىنداعى ون شاقىرىمدىق ۇلان-عايىر جەر لەنيننىڭ تىكەلەي قولداۋىمەن قازاق ەلىنە قايتارىلادى.
جاراتقان يەم الدىنان جارىلقاسىن! قايتالانبايتىن، قايتا كەلمەيتىن ارىستار!
"ادىرنا" ۇلتتىق پورتالى
