ەلىمىزدە I توپتاعى مۇگەدەكتىگى بار ادامدارعا كۇتىم جاسايتىن ازاماتتارعا جاڭا جاردەماقى ءتۇرى ەنگىزىلەدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ايتتى، دەپ حابارلايدى «ادىرنا» ءتىلشىسى.
ول ءماجىلىس وتىرىسىندا جاردەماقىنى ەنگىزۋ ءۇشىن دايىندىق جۇمىستارى جۇرگىزىلىپ جاتقانىن اتاپ ءوتتى.
«I توپتاعى 66 مىڭ مۇگەدەكتىڭ ىشىنەن ءاربىر ءۇشىنشى ادامعا نە جاردەماقى بەرىلمەيدى يا بولماسا جەكە كومەكشىنىڭ قىزمەتىمەن دە قامتىلماعان. قۇجاتتا سەبەبىنە قاراماستان كۇتىم كورسەتۋشىلەرگە جاڭا جاردەماقى ءتۇرىن ەنگىزۋ قارالعان»،—دەدى مينيستر.
بالانىڭ دەنساۋلىعىنىڭ بۇزىلۋ جانە تىرشىلىك ارەكەتىنىڭ شەكتەلۋ دارەجەسىن ەسكەرە وتىرىپ، زاڭ جوباسىندا 7 جاستان 16 جاسقا دەيىنگى بالالاردى مۇگەدەكتىك توپتارى بويىنشا ءبولۋ كوزدەلەدى. بۇل شارا كورسەتىلەتىن وڭالتۋ ءىس-شارالارى مەن الەۋمەتتىك كومەكتى، ونىڭ ىشىندە بالالار اۋرۋىنىڭ دارەجەسىنە قاراي جاردەماقىلار مولشەرى بولىگىندە سارالاۋعا مۇمكىندىك بەرەدى.
بۇل رەتتە مۇگەدەكتىگى بار بالالاردىڭ بارلىق توپتارى ءۇشىن جاردەماقى مولشەرى 16,7%-دان 37%-عا دەيىن ۇلعايتىلادى. بۇل شارا 30 مىڭنان استام مۇگەدەكتىگى بار بالاعا قاتىستى بولادى.
«ادىرنا» ۇلتتىق پورتالى
