قازاقستاننىڭ ستۋدەنتتەرى نەگە شەتەلدە ءبىلىم الۋعا قۇمار؟

2964
Adyrna.kz Telegram

قازاقستاننىڭ ستۋدەنتتەرى نەگە شەتەل دە ءبىلىم الۋعا قۇمار؟ وزگە ەلدىڭ ءبىلىمىنىڭ قازاقستاننىڭ بىلىمىنەن ايىرماشىلىعى نەدە؟ بۇل ساۋالدارعا تۇركيادا ءبىلىم الىپ جاتقان تۇران ۋنيۆەرسيتەتىنىڭ ستۋدەنتى ارۋجان قابدولدا جاۋاپ بەردى.

-ارۋجان حانىم، سۇحبات بەرۋگە كەلىسكەنىڭىزگە راقمەت.  اڭگىمەمىزدىڭ القيسساسىن وزىڭىزدەن باستايىق.  تۋعان جەرىڭىز، قاي جەردە وقيسىز ؟

- الماتى وبلىسى، تالدىقورعان قالاسىنىڭ تۋماسىمىن. جاسىم 19-دا. قازىرگى تاڭدا تۇران ۋنيۆەرسيتەتىنىڭ حالىقارالىق قاتىناستار ماماندىعىنىڭ 3- كۋرس ستۋدەنتىمىن.

-ادەتتە, ستۋدەنتتەردىڭ شەتەلگە بارىپ وقۋىنا اتا-اناسى قارسى بولادى. ال ءسىزدىڭ اتا-اناڭىز بۇل شەشىمىڭىزدى قالاي قابىلدادى ؟ 

-اتا-انام ۇنەمى مەنىڭ شەشىمىمدى قولدايدى جانە  ەشقاشان بەتىمنەن قاققان ەمەس. بارلىعىن باسىندا  تۇسىندىرىپ ايتتىم. تۇركياعا كەتۋگە شەشىمدى بىرگە قابىلدادىق دەسەم دە بولادى. ولار ەش قارسى بولمادى. كەرىسىنشە تەك قولداۋ كورسەتتى، ساپالى ءبىلىم الۋىمدى قالادى.

ەتەلدە وقۋ سانالى تۇردە ماقساتىڭىز بولدى ما، الدە كەزدەيسوقتىق پا؟ 

-شەتەلدە ءبىلىم الۋ ماقساتىمدا بار ەدى. بىراق ءدال تۇركيادا وقيمىن دەگەن وي ەشقاشان ويىمدا بولماعان. ياعني تۇركيادا وقۋ كەزدەيسوقتىق.

-جەتى جۇرتتىڭ ءتىلىن ءبىل، جەتى ءتۇرلى ءىلىم ءبىل دەگەندەي، ارۋجان حانىم، سىزدە شەتەلدە ءتىل ماسەلەسىمەن قيىندىق تۋمادىما؟ 

-ءيا، باسىندا ءتىلدى جەتىك بىلمەگەنىمىز  كوپتەگەن قيىندىق تۋعىزدى. بىراق كەيىننەن ءتىلىمىز جاتتىعا باستاعان سوڭ قاتتى قيىنعا سوقپادى.

 -قازەكەڭدە شەتەلدە وقىپ كەلسە بولدى جەر كوككە سىيدىرماي ماقتايمىز، ال شەتەلدىڭ ءبىلىمى قازاقستاننىڭ بىلىمىنەن ايىرماشىلىعى نەدە؟

-بىرىنشىدەن، تۇركيا جوو-نىڭ جىلدىق تولەم اقىسىنىڭ قولجەتىمدى، ارزان باعادا  بولۋىمەن ەرەكشەلەنەدى . مىسالى، قازاقستاندا ورتاشا وقۋ اقىسى 600-800 مىڭ تەڭگەنى قۇراسا ،تۇركيادا ەڭ قىمبات وقۋ جىلىنا 150-160 مىڭ تەڭگەنى قۇرايدى.

ال ءبىلىم بەرۋ جۇيەسى قازاقستانداعىداي كرەديتاتسيا جۇيەسى بويىنشا جۇزەگە اسادى. تۇركيادا ستۋدەنتتەر وتە كوپ بولعاندىقتان ءۇي جۇمىسى دەگەن نارسە مۇلدەم جوق، ستۋدەنتتەر تەك وزدەرى ءۇشىن عانا وقيدى جانە مۇعالىمنىڭ ايتقان ءار مالىمەتى تەك ارالىق باقىلاۋ جانە ەمتيحان كەزىندە سۇرالادى، ەمتيحاندار وتە قيىن فورماتتا وتەدى. سونىمەن قاتار، ەكزامەننەن وتە الماي قالعان ستۋدەنتتەر كۋرستان كۋرسقا قالىپ وتىرادى. مىسالى، 4-كۋرس ستۋدەنتى بولسا، ەكزامەندەردى تولىق جاپپايىنشا 5-6-شى كۋرسقا قالىپ وتىرادى.

-قازىرگى تاڭدا شەكارا اسىپ، ءبىلىمىن جەتىلدىرىپ كەلگەندەردىڭ قاراسى قالىڭ.  الايدا تاياقتىڭ ەكى ۇشى بولاتىندىعى سەكىلدى بۇل ماسەلەنىڭ دە وڭى مەن تەرىسى بار ەكەنى ايتپاسا دا تۇسىنىكتى.  شەت ەلدە وقۋدىڭ جاقسى جانە جاعىمسىز جاعىن ايتىپ كەتسەڭىز؟

جاقسى جاقتارىنان باستاسام، ەڭ ءبىرىنشى  ادامنىڭ وي-ءورىسى، ءبىلىمى مەن ومىرگە كوز-قاراسى تۇبەگەيلى اۋىسادى دەسەم دە بولادى. ءبىز بۇل باعدارلاما ارقىلى ءار  مەملەكەتتەن كوپتەگەن دوس تاپتىق، ءبىلىمىمىزدى ارتتىردىق. تۇرىك  حالقىنىڭ مادەنيەتىمەن، ومىرىمەن تانىستىق. وقىپ ءجۇرىپ كوپتەگەن جەرلەردە دەمالۋعا، قىدىرۋعا دا مۇمكىندىك الدىق.

ال جاعىمسىز تۇستارىنا توقتالساق، باسىندا جات ەلدە جالعىز قالعانداي سەزىنەتىنبىز. ول جەردە سەنىڭ اكەڭ دە، اناڭ دا، باۋىرىڭ دا، دوسىڭ دا بولمايدى. تەك بىرگە بارعان دوستارىڭ بولادى. قينالعانىڭدا ولاردان باسقا ەشكىم بولمايدى.

شەتەلگە وقۋعا كەتپەس بۇرىن پسيحولوگيالىق، مورالدىك تۇرعىدان ءوزىندى دايىنداپ الۋىڭ كەرەك. باسقا ولكەدە ءوز-وزىنە جاۋاپ بەرە الاتىن، مىقتى ادام بولۋعا مىندەتتىسىڭ. سەبەبى وتباسىڭنان، جاقىندارىڭنان الىس بولۋ، كەزىگەتىن ءار ءتۇرلى  پروبلەما، ءتىلدى جەتىك بىلمەۋ سياقتى ماسەلەلەر وسىلاردىڭ بارلىعى ادامعا كەرى اسەرىن تيگىزبەي قويمايدى.

-شەت ەلگە بارىپ وقيمىن ، شەتەل كورگىم كەلەدى دەيتىن ستۋدەنتتەرگە  قانداي كەڭەس ايتا الاسىز؟

-قازىر جاس، امبيتسيالارى مىقتى كەزدە ەل ارالاپ،  وزىن بارىنشا دامىتقانى  دۇرىس دەپ ويلايمىن.  شەتەلدە وقۋ ارقىلى قوعامدا ەرەكشە ورنى بار مىقتى، دامىعان ينديۆيد رەتىندە قالىپتاسا الاسىزدار. ماقساتتارىڭىز ايقىن بولسا،  ەشنارسەدەن قورىقپاۋ كەرەك دەپ سانايمىن. تەك وزدەرىڭىزگە سەنىپ، قازاقستانىمىزدى شەتەلگە جاقسى جاعىنان تانىتساڭىزدار بولعانى.

-سىزگە تاعى ءبىر وسىنداي  مۇمكىندىك بەرىلسە، شەت ەلدە ءبىلىم الىپ، سول  جەردە ءبىتىرىپ سول ەلدە قالاتىن با ەدىڭىز؟

 - وسىنداي مۇمكىندىك تاعى بەرىلەتىن بولسا، نەگە باسقا ەلدە ءبىلىم الماسقا، ءبىلىم بەرۋ جۇيەسىن زەرتتەمەسكە ؟! بىراق   اسقا شەتەلدە قالۋ مۇلدەم ويىمدا جوق. قازاقستان رەسپۋبليكاسىنىڭ ازاماتشاسى بولعانىم ءۇشىن شەتەلدەن العان ءبىلىمىم مەن تاجىريبەمدى قولدانىپ، وتانىمىزدىڭ دامۋىنا ۇلەس قوسۋ - ۇلكەن ارمانىم.

-وتە كەرەمەت سۇحبات بولدى ، ساتتىلىك تىلەيمىن!!!

 

اڭگىمەلەسكەن: تۇران ۋنيۆەرسيتەتىنىڭ

3-كۋرس ستۋدەنتى نۇرسۇلتان نازارباەۆ

پىكىرلەر