NASA مەن يلونا ماسكتىڭ SpaceX كومپانياسىنىڭ ماماندارى بىرلەسە وتىرىپ، عارىشقا كالمارلاردى جىبەرەتىن بولدى. كالماردىڭ كومەگىمەن عالىمدار عارىشكەرلەردىڭ حالىقارالىق عارىش ستانتسياسىندا (حعس-دا) جۇمىس جاساۋىن ودان ارى جاقسارتۋعا مۇمكىندىكتەر تۋادى دەپ شەشتى.
3 شىلدەدە SpaceX-ءتىڭ Falcon 9 زىمىرانى وربيتاعا شىعادى. زىمىران تاسىمالداۋشى حعس-قا عىلىمي زەرتتەۋ جۇمىستارىن جۇرگىزۋگە ارنالعان قۇندى جۇكتى جەتكىزەدى.
حابارلامادا ايتىلعانداي، عارىش ستانتسياسىنا شىعارىلاتىن جۇكتىڭ ىشىندە قاراڭعىدا جارىق بولىپ كورىنەتىن 5 مىڭ (سۋ ايۋلارى) جانە 128 كالمار-بوبتايل بولادى. ميسسيانىڭ باستى ماقساتى - باياۋ جۇرەتىن تىرشىلىك يەلەرىنىڭ عارىشتاعى سترەسستىك ورتاعا توززىمدىلىگىن زەرتتەۋ بولماق.
سونداي-اق، عالىمدار گراۆيتاتسيا جوق كەڭىستىكتىڭ كالمار مەن Vibrio fischeri ميكروبتارىنا اسەر ەتۋ ەففەكتىسى قانداي بولاتىنىن انىقتاماق. الىنعان مالىمەتتەردىڭ كومەگىمەن ماماندار حعس-دا ادامداردىڭ دا جۇمىس جاساۋىنا جاقسى جاعداي قالىپتاستىرماق.
ايتا كەتۋ كەرەك، وسى اتالعان جانۋارلار توتەنشە جاعدايلاردا دا ءومىر ءسۇرۋ قابىلەتى جوعارى بولۋىمەن بەلگىلى. عالىمدار كالمارلاردىڭ وتە جوعارى قىسىم مەن دەفورماتسيانى جەڭىپ، ءومىر سۇرە الاتىنىن انىقتاعان. سوندىقتان دا وسى جانۋارلار ەكسپەريمەنت جۇرگىزۋ رەتىندە تاڭدالىپ الىنعان.
بەكبولات قارجان،
"ادىرنا" ۇلتتىق پورتالى
