فوتو: gov.kz
قازاقستان مەن رەسەيدىڭ بىرلەسكەن عارىش جوباسى سوڭعى ۋاقىتتا اقپاراتتىق كەڭىستىكتە ءجيى تالقىلانىپ ءجۇر. الايدا رەسەيلىك بۇقارالىق اقپارات قۇرالدارىندا بۇل جوبا كوبىنە تەك «سويۋز-5» اتاۋىمەن عانا اتالىپ, ونىڭ قازاقستان ءۇشىن ماڭىزى مەن ۇلتتىق اتاۋى نازاردان تىس قالىپ جاتادى. شىن مانىندە، بۇل جوبا قازاقستاندا «سۇڭقار» دەگەن اتاۋمەن بەلگىلى.
«سۇڭقار» – قازاقستاننىڭ عارىش سالاسىنداعى دەربەس قاتىسۋىن ايقىندايتىن سيمۆوليكالىق اتاۋ. ول ەلدىڭ تەك سەرىكتەس ەمەس، تولىققاندى قاتىسۋشى ەكەنىن كورسەتەدى. جوبا بايتەرەك كەشەنى اياسىندا جۇزەگە اسىرىلىپ جاتىر. بۇل كەشەن بايقوڭىر عارىش ايلاعى اۋماعىندا ورنالاسقان جانە قازاقستان مەن رەسەي اراسىنداعى ستراتەگيالىق ارىپتەستىكتىڭ ماڭىزدى ەلەمەنتى سانالادى.
بۇل جوباعا قاتىستى ناقتى كۇن دە اتالدى. كوندين اۋدانى اكىمشىلىگى تاراتقان مالىمەتكە سايكەس، 2026 جىلعى 27 ناۋرىز كۇنى جەرگىلىكتى ۋاقىت بويىنشا شامامەن ساعات 16:00-دە روسكوسموس بايقوڭىر عارىش ايلاعىنەن «سۇڭقار» زىمىرانىنىڭ العاشقى ۇشىرىلىمىن جوسپارلاپ وتىر. قوسالقى كۇن رەتىندە 28 ناۋرىز بەلگىلەنگەن.
مالىمەتتە سونداي-اق زىمىراننىڭ بولىنەتىن بولىكتەرى كوندين اۋدانى اۋماعىندا قۇلاۋى مۇمكىن ەكەنى ايتىلعان. اتاپ ايتقاندا، ۇلكەن جانە كىشى لەۋشينكا، سامسۋر، قارا، كۋما وزەندەرى ماڭى جانە سۆەردلوۆ وبلىسىمەن شەكارالاس اۋماقتار كورسەتىلگەن. وسىعان بايلانىستى جەرگىلىكتى تۇرعىندارعا ورمانعا، جولدارعا جانە اڭشىلىق-بالىقشىلىق ورىندارعا بارۋدى ۋاقىتشا شەكتەۋ تۋرالى ەسكەرتۋ جاسالعان.
27 قاڭتاردا «روسكوسموس» باس ديرەكتورىنىڭ زىمىران جوبالارى جونىندەگى ورىنباسارى دميتري بارانوۆ زىمىراننىڭ العاشقى ۇشىرىلىمى اعىمداعى جىلدىڭ ناۋرىز ايىنىڭ سوڭىنا جوسپارلانعانىن مالىمدەگەن.
2025 جىلعى 26 جەلتوقساندا «روسكوسموس» 2025 جىلدىڭ سوڭىنا دەيىن جوسپارلانعان العاشقى ۇشىرىلىمنىڭ قازاقستان تاراپىنىڭ باستاماسىمەن كەيىنگە شەگەرىلگەنىن حابارلاعان.
ء«بىز سەرىكتەستەرمەن بىرگە بورتتىق جۇيەلەر مەن جەرۇستى جابدىقتارىن قوسىمشا تەكسەرۋ تۋرالى شەشىم قابىلدادىق. بۇل ستاتيستيكا جيناۋ جانە ۇشىرىلىمنىڭ سەنىمدىلىگى مەن قاۋىپسىزدىگىنە قوسىمشا كوز جەتكىزۋ ءۇشىن قاجەت»، – دەگەن ەدى بارانوۆ.
كورپوراتسيانىڭ ءباسپاسوز قىزمەتى «بايتەرەك» جوباسىنىڭ جوسپارلى تۇردە جۇزەگە اسىرىلىپ جاتقانىن جانە سوڭعى كەزەڭدە تۇرعانىن اتاپ ءوتتى.
«سۇڭقار» – قازاقستاننىڭ عارىش سالاسىنداعى دەربەس قاتىسۋىن ايقىندايتىن اتاۋ. جوبا بايتەرەك كەشەنى اياسىندا جۇزەگە اسىرىلىپ جاتىر. بۇل كەشەن قازاقستان مەن رەسەي اراسىنداعى ستراتەگيالىق ارىپتەستىكتىڭ ماڭىزدى بولىگى سانالادى.
رەسەيلىك تاراپ جوبانى «سويۋز-5» دەپ اتاۋدى جالعاستىرىپ كەلەدى، سەبەبى زىمىراننىڭ تەحنيكالىق ازىرلەۋشىسى – ركك ەنەرگيا. دەگەنمەن، قازاقستان ءۇشىن بۇل تەك تەحنيكالىق جوبا ەمەس، ۇلتتىق مۇددە مەن تەحنولوگيالىق تاۋەلسىزدىككە باعىتتالعان باستاما. سوندىقتان «سۇڭقار» اتاۋىنىڭ قولدانىلۋى – ساياسي ءارى سيمۆوليكالىق تۇرعىدان ماڭىزدى.
قازىرگى تاڭدا «بايتەرەك» جوباسى اياقتالۋعا جاقىن. كەشەن بۇرىن «زەنيت» زىمىراندارى پايدالانىلعان الاڭ نەگىزىندە جاڭعىرتىلۋدا. بولاشاقتا وسى جەردەن «سۇڭقار» («سويۋز-5») زىمىراندارىن تۇراقتى تۇردە ۇشىرۋ جوسپارلانىپ وتىر. زىمىران ەكى ساتىلى بولىپ، وربيتاعا 17 تونناعا دەيىن جۇك شىعارا الادى.
