foto: gov.kz
Qazaqstan men Reseidıŋ bırlesken ǧaryş jobasy soŋǧy uaqytta aqparattyq keŋıstıkte jiı talqylanyp jür. Alaida reseilık būqaralyq aqparat qūraldarynda būl joba köbıne tek «Soiuz-5» atauymen ǧana atalyp, onyŋ Qazaqstan üşın maŋyzy men ūlttyq atauy nazardan tys qalyp jatady. Şyn mänınde, būl joba Qazaqstanda «Sūŋqar» degen ataumen belgılı.
«Sūŋqar» – Qazaqstannyŋ ǧaryş salasyndaǧy derbes qatysuyn aiqyndaityn simvolikalyq atau. Ol eldıŋ tek serıktes emes, tolyqqandy qatysuşy ekenın körsetedı. Joba Bäiterek keşenı aiasynda jüzege asyrylyp jatyr. Būl keşen Baiqoŋyr ǧaryş ailaǧy aumaǧynda ornalasqan jäne Qazaqstan men Resei arasyndaǧy strategiialyq ärıptestıktıŋ maŋyzdy elementı sanalady.
Būl jobaǧa qatysty naqty kün de ataldy. Kondin audany äkımşılıgı taratqan mälımetke säikes, 2026 jylǧy 27 nauryz künı jergılıktı uaqyt boiynşa şamamen saǧat 16:00-de Roskosmos Baiqoŋyr ǧaryş ailaǧynen «Sūŋqar» zymyranynyŋ alǧaşqy ūşyrylymyn josparlap otyr. Qosalqy kün retınde 28 nauryz belgılengen.
Mälımette sondai-aq zymyrannyŋ bölınetın bölıkterı Kondin audany aumaǧynda qūlauy mümkın ekenı aitylǧan. Atap aitqanda, Ülken jäne Kışı Leuşinka, Samsur, Qara, Kuma özenderı maŋy jäne Sverdlov oblysymen şekaralas aumaqtar körsetılgen. Osyǧan bailanysty jergılıktı tūrǧyndarǧa ormanǧa, joldarǧa jäne aŋşylyq-balyqşylyq oryndarǧa barudy uaqytşa şekteu turaly eskertu jasalǧan.
27 qaŋtarda «Roskosmos» bas direktorynyŋ zymyran jobalary jönındegı orynbasary Dmitrii Baranov zymyrannyŋ alǧaşqy ūşyrylymy aǧymdaǧy jyldyŋ nauryz aiynyŋ soŋyna josparlanǧanyn mälımdegen.
2025 jylǧy 26 jeltoqsanda «Roskosmos» 2025 jyldyŋ soŋyna deiın josparlanǧan alǧaşqy ūşyrylymnyŋ Qazaqstan tarapynyŋ bastamasymen keiınge şegerılgenın habarlaǧan.
«Bız serıktestermen bırge borttyq jüieler men jerüstı jabdyqtaryn qosymşa tekseru turaly şeşım qabyldadyq. Būl statistika jinau jäne ūşyrylymnyŋ senımdılıgı men qauıpsızdıgıne qosymşa köz jetkızu üşın qajet», – degen edı Baranov.
Korporasiianyŋ baspasöz qyzmetı «Bäiterek» jobasynyŋ josparly türde jüzege asyrylyp jatqanyn jäne soŋǧy kezeŋde tūrǧanyn atap öttı.
«Sūŋqar» – Qazaqstannyŋ ǧaryş salasyndaǧy derbes qatysuyn aiqyndaityn atau. Joba Bäiterek keşenı aiasynda jüzege asyrylyp jatyr. Būl keşen Qazaqstan men Resei arasyndaǧy strategiialyq ärıptestıktıŋ maŋyzdy bölıgı sanalady.
Reseilık tarap jobany «Soiuz-5» dep ataudy jalǧastyryp keledı, sebebı zymyrannyŋ tehnikalyq äzırleuşısı – RKK Energiia. Degenmen, Qazaqstan üşın būl tek tehnikalyq joba emes, ūlttyq müdde men tehnologiialyq täuelsızdıkke baǧyttalǧan bastama. Sondyqtan «Sūŋqar» atauynyŋ qoldanyluy – saiasi ärı simvolikalyq tūrǧydan maŋyzdy.
Qazırgı taŋda «Bäiterek» jobasy aiaqtaluǧa jaqyn. Keşen būryn «Zenit» zymyrandary paidalanylǧan alaŋ negızınde jaŋǧyrtyluda. Bolaşaqta osy jerden «Sūŋqar» («Soiuz-5») zymyrandaryn tūraqty türde ūşyru josparlanyp otyr. Zymyran ekı satyly bolyp, orbitaǧa 17 tonnaǧa deiın jük şyǧara alady.
