قاربىزدى قالاي تاڭدايمىز؟

4781
Adyrna.kz Telegram
فوتو اشىق اقپارات كوزىنەن الىندى
فوتو اشىق اقپارات كوزىنەن الىندى

جاز ماۋسىمىندا ءجيى تۇتىنىلاتىن باقشا داقىلدارىنىڭ ءبىرى - قاربىز. كۇن ىستىعىندا ءشول باسۋعا تاپتىرمايتىن قاربىزدى قالاي تاڭدايمىز؟

قاربىز - اسقاباق تۇقىمداسىنا جاتاتىن ءبىر نەمەسە كوپجىلدىق وسىمدىك. وتانى - وڭتۇستىك افريكا ەلىندەگى كالاحاري ءشولى سانالادى. الەمدە سانى 500-دەن اسا قاربىز تۇرلەرى وسىرىلەدى. ەڭ كوپ تاراعان داقىلدىڭ تامىرى تارماقتى، جاپىراقتارى ءىرى، گۇلدەرىنىڭ ءتۇسى اقسارى، ساباعى توسەلمەلى بولىپ كەلەدى. سالماعى 0,6 مەن 16 كەلى ارالىعىن قۇرايدى. قۇرامى 90% سۋدان تۇرادى.  وسى نەگىزدە شىرىنى ءشولدى باسادى، ءارى نەسەپ جۇرگىزەدى. ال داندەرى قان توقتاتاتىن، ىشەك قۇرتىن تۇسىرەتىن قاسيەتكە يە.

قاربىزدىڭ سىرتقى ءپىشىنى مەن كورىنىسى كوپ نارسەنى اڭعارتادى. سوعىلىپ، جىرىلعان قاربىزدى كورسەڭىز، مۇلدەم ساتىپ الماعانىڭىز ابزال. ماماندار كىشكەنتاي قاربىزدى تۇتىنۋعا كەڭەس بەرەدى. ويتكەنى ۇلكەن قاربىزداردىڭ كوپشىلىگى تەك ءدارىنىڭ كۇشىمەن وسەدى ەكەن. ەگەر قاربىزدىڭ سالماعى 6 مەن 10 كەلى اراسىندا، ءپىشىنى جالپاقتاۋ بولسا، دامىنە كۇمان كەلتىرمەڭىز. سىرتى جىلتىر، ءتۇسى قانىق بولۋىنا دا ءمان بەرىڭىز. مامانداردىڭ ايتۋىنشا، ناعىز پىسكەن قاربىزدىڭ سىرتىنداعى اق جولاعى جالپاق بولادى جانە ۇرۋ ارقىلى شىققانداعى داۋىسى انىق ەستىلەدى.  سونىمەن بىرگە پىسكەن قاربىزدىڭ تاعى ءبىر بەلگىسى - جولاقتارى اق ءارى جارقىن كورىنۋى ءتيىس. بەتىندەگى اق داقتار قاربىزدىڭ پىسپەگەنىن ايقىندايدى. ساباعىنىڭ قۇرعاق جانە ءتۇسىنىڭ سارى بولۋىنا كوڭىل ءبولىڭىز. ال ىشىندەگى داندەرىنىڭ ءتۇسى قارا قوڭىر نەمەسە قارا ءتۇستى بولعانى ءجون. جالپى، قاربىزدىڭ بيولوگيالىق ءپىسىپ، جەتىلۋ ۋاقىتى - جاز مەزگىلىنىڭ سوڭعى ايلارى.

ناعيما ساحان

پىكىرلەر