رەسەيدەگى يجەۆسك قالاسىنىڭ تۇرعىندارى تەگىن تاراتىلعان قاربىزعا تالاسىپ، ءبىرىن-ءبىرى تاپتادى. "تۇككورمەگەن" تۇرعىنداردىڭ توعىشار ارەكەت جايلى "forpost-sz.ru" سايتى جازدى، دەپ حابارلايدى "ادىرنا" ۇلتتىق پورتالى.
قالا پاركىندە وتكەن "اربۋزنيك" ءىس-شاراسىندا تەگىن تاراتىلعان قاربىزدان قامتىپ قالۋعا جارماسقان تۇرعىنداردىڭ ورتانى ازان-قازان قىلعان ارەكەتىن كورۋگە بولادى. ولار ءبىرىن-ءبىرى توپەپ، تەگىن قاربىز الۋ ءۇشىن تالاسقا ءتۇسىپ جاتىر. تۇرعىنداردىڭ ەكپىنىنەن قاربىزداردىڭ كوپ بولىگى جارىلىپ، اياقتىڭ استىندا قالعان.
"وتباسىڭمەن تىنىعاتىن تاماشا دەمالىس كۇنى ەدى. تەزىن قاربىز تاراتىلادى دەپ ەدى، ورتالىق ازان-قازان بولدى. دوستار، نە كورىندى سونشا؟ وسىلار بازاردا 150 رۋبلدەن ساتىلادى ەمەس پە؟" - دەپ جازدى جازبا اۆتورى.
View this post on Instagram
تۇرعىنداردىڭ توبىرلىق ارەكەتىنە قاتىستى پاركتىڭ ءباسپاسوز قىزمەتى تۇسىنىكتەمە بەردى.
"تۇرعىنداردىڭ ءوز-ءوزىن ۇستاۋى مەن ءجۇرىس-تۇرىسىنا ءبىز جاۋاپ بەرمەيمىز. ءبىزدىڭ قۇزىرىمىزدا تەك ولارعا مەرەكەلىك كوڭىل-كۇي سىيلاۋ عانا بار. ءاربىرىنىڭ ءتالىم-تاربيەسىن باعىپ، جونگە سالۋ مۇمكىن ەمەس", - دەدى ولار.
"ادىرنا" ۇلتتىق پورتالى
