كوبىنەسە اۋدان ورتالىقتارىنداعى كوشەلەرگە اسا ءمان بەرىلىپ، ال اۋىلداعى كوشەلەردىڭ نازاردان تىس قالىپ جاتاتىنى شىندىق قوي. دەسەك تە سوڭعى جىلدارى شالعايداعى اۋىلدىق ەلدى مەكەندەردىڭ جاعدايى دا الدەقايدا جاقسارىپ، جەرگىلىكتى جولداردى جوندەۋ ىسىنە ەرەكشە كوڭىل ءبولىنىپ كەلەدى. ايتالىق، وسى ۋاقىتقا دەيىن مۇلدەم اسفالت بولماعان كوشەلەرگە اسفالت توسەلىپ، اۋىلدارعا قاتىنايتىن جولدار قالىپقا كەلتىرىلۋدە.
ۇلكەناعاش اۋىلدىق وكرۋگىنە قاراستى اۋليەاعاش اۋىلىنىڭ و.ەلۋباەۆ كوشەسىنە 2,200 مەترىنە اسفالت توسەلدى جانە ب.ساينازاروۆ كوشەسىنە 1700 مەترىنە شاعىل توسەلدى. شاعىل توسەۋ جوسپاردا بولماسادا، جۇمىس ءجۇردى. اۋىل تۇرعىندارى اۋىل كوشەلەرىنە اسفالت توسەۋگە اۋقىمدى ۇلەس قوسقان «ماكسدورستروي سەرۆيس» جاۋاپكەرشىلىگى شەكتەۋلى سەرىكتەستىگىنە جانە ونىڭ بريگاديرى سۇلتان بايراموۆقا ءدان ريزا. سونداي-اق جاساپ بەرگەن الاڭدى كوركەيتۋگە اۋىل تۇرعىندارى دا اتسالىسقان. ماسەلەن، اۋىلدىڭ بەلسەندى، وتە سىيلى ازاماتى ءانۋار كۇلشاشاروۆ سپورت زالىنىڭ قاسىنداعى الاڭعا كۇل-قوقىس سالعىشتار ورناتىپ بەردى. تۇرعىندار بولسا وسىنداي يگى ءىستىڭ الداعى ۋاقىتتا ءالى دە جالعاسىن تاباتىندىعىنا زور سەنىم بىلدىرەدى.
جاڭادان توسەلگەن اسفالتتى اتالعان اۋىلدىڭ اكىمى ەرمەك نۇراحمەتۇلىمەن بىرگە «Nur Otan» پارتياسى جانىنداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەس توراعاسى قۇرمانجان اۋبەكۇلى جانە اۋىل تۇرعىندارى، «ماكسدورستروي سەرۆيس» جاۋاپكەرشىلىگى شەكتەۋلى سەرىكتەستىگىنىڭ مۇشەلەرى بىرگە ارالاپ، كورىپ قايتتى. اۋىل اكىمى ە.نۇراحمەتۇلى الداعى ۋاقىتتا وسى شاعىن الاڭقايدى كوركەيتۋ ماقساتىندا شاعىن الاڭقايعا دەمالۋعا ىڭعايلى بولۋ ءۇشىن وتىراتىن ورىندىقتار، كۇزگە تامان جان-جاعىنا قاراعاي وتىرعىزۋعا دا نيەتتى ەكەندىكتەرىن ايتتى. مۇنىمەن قوسا، «Nur Otan» پارتياسىنان الماتى وبلىستىق ماسليحاتىنداعى VII-ءشى شاقىرىلىم دەپۋتاتى سەرىك اقسۋباەۆ اعامىزدىڭ اراسان-كوكتال جولىن جاساپ، بولاشاقتا مۇمكىندىك بولسا اۋليەاعاش وكرۋگىنە ءوز ىقپالىن جاسايمىن دەپ جۇرگەندىگى دە ايتتى. جالپى وسىنداي يگى ىستەر اۋىل تۇرعىندارىنىڭ زور قۋانىش سىيلايتىندىعى انىق.
ا.حامەتجانوۆا
