رەسەي تۇركياعا ازەربايجانعا اسكەري بازالارىن ورناتقانى ءۇشىن قارسى جاۋاپ قايتارۋعا بەكىنىپ وتىر.
"تۇركيا ءازىربايجان تەرريتورياسىنا اسكەري بازالارىن ورنالاستىرسا، رەسەي ءوز قاۋىپسىزدىگىن قامتاماسىز ەتۋ ءۇشىن قارسى شارالار قابىلداۋعا ءماجبۇر بولادى"-دەدى، پرەزيدەنتىنىڭ ءباسپاسوز حاتشىسى دميتري پەسكوۆ.
"ناتو-عا مۇشە ەلدەردىڭ اسكەري بازالارىنىڭ ءبىزدىڭ شەكارامىزعا جاقىنداپ كەلە جاتقانىن ءبىز ءبىر ءسات نازارىمىزدان تىس قالدىرمايمىز. سوندىقتان دا ءبىز ەلىمىزدىڭ ۇلتتىق قاۋىپسىزدىگى
مەن مۇددەسىن قورعاۋ جولىندا قاجەتتى قادامدارعا بارامىز",-دەدى د.پەسكوۆ.
وسىدان ءبىراز ۋاقىت بۇرىن تۇركيا پرەزيدەنتى رەجەپ تايپ ەردوعان ءازىربايجان تەرريتورياسىندا تۇرىك اسكەري بازالارى ورنالاساتىنىن مالىمدەدى.
رەسەي تاراپى ناتو-نىڭ ءبىر بەلدى مۇشەسى تۇركيانىڭ ازەربايجان تەرريتورياسىنا اسكەري بازا سالۋى ءبىزدىڭ ۇلتتىق قاۋىپسىزدىگىمىزگە قاتەر توندىرەدى دەپ دۇرلىگۋدە.
بەكبولات قارجان،
"ادىرنا" ۇلتتىق پورتالى
