پاۆلودار وبلىسىندا اسىلىپ قالعان پوليتسەيدىڭ دەنەسى تابىلدى. پد مالىمەتىنشە، ءتارتىپ ساقشىسى وزىنە قول سالعان، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
«5 شىلدەدە ساعات 23:40-تا اقسۋ قالاسىندا ءوزىن-ءوزى اسىپ ولتىرگەن پوليتسيا مايورىنىڭ دەنەسى تابىلدى. بۇل فاكت بويىنشا قىلمىستىق كودەكستىڭ 105-بابى بويىنشا سوتقا دەيىنگى تەرگەۋ باستالدى»، – دەدى پاۆلودار وبلىستىق پوليتسيا باسقارماسى باستىعىنىڭ ورىنباسارى جاندوس ورۋمباەۆ.
قازىرگى تاڭدا پوليتسەيدىڭ بۇل ارەكەتىنە نە تۇرتكى بولعانى انىقتالۋدا.
«ساراپتاما تاعايىندالدى. وقيعانىڭ ءمان-جايى مەن سەبەپتەرى سوتقا دەيىنگى تەرگەۋ بارىسىندا انىقتالادى»، – دەدى ورۋمباەۆ.
باسقا مالىمەتتەر تۋرالى ءالى حابارلانبادى.
ايتا كەتسەك، تەرگەۋ جۇرگىزىلىپ جاتقان «سۋيتسيدكە اپارۋ» بابى سانكتسيالارىندا 3-5 جىلعا دەيىن باس بوستاندىعىنان ايىرۋ نەمەسە شەكتەۋ جازاسى قاراستىرىلعان.
"ادىرنا" ۇلتتىق پورتالى