اقتوبە وڭىرلىك كوممۋنيكاتسيالار قىزمەتى الاڭىندا وبلىستىق ەكولوگيا دەپارتامەنتىنىڭ باس مامانى-مەملەكەتتىك ەكولوگيالىق ينسپەكتور مارات كارىباەۆ اناليتيكالىق ينتەرنەت-پورتالدا جارىق كورگەن «اقتوبەدەگى شوشقا فەرماسىنداعى جاڭا بەتبۇرىس» اتتى ماقالاعا قاتىستى بريفينگ وتكىزدى دەپ حابارلايدى "ادىرنا" ۇلتتىق پورتالىنىڭ ءتىلشىسى.
ونىڭ ايتۋىنشا، «پاريجسكايا كوممۋنا ءححى» جشس-ىندا توپىراقتى تۇرمىستىق جانە بيولوگيالىق قالدىقتارمەن لاستاۋ دەرەگى بويىنشا قوزعالعان قىلمىستىق ءىس اياسىندا سوت-ساراپتامالىق ەكولوگيالىق زەرتتەۋدى ادىلەت مينيسترلىگىنىڭ سوت-مەديتسينالىق ساراپتاما ورتالىعىنىڭ ماماندارى جۇرگىزگەن.
ساراپشىلار «پاريجسكايا كوممۋنا XXI» جشس اۋماعىنداعى جەرلەردىڭ لاستانۋىنا قاتىستى مالىمەتتەر بەرگەن. ولاردىڭ شىعارعان قورىتىندىلارى بويىنشا بۇل جەرلەر جايىلىمعا جاتپايدى، جەر قاباتىنداعى وزگەرىستەردى جويۋ ءۇشىن رەكۋلتيۆاتسيالاۋ ءىس-شارالارىن كەشەندى تۇردە جۇرگىزۋ كەرەك.
وسى جەردە ايتا كەتۋ كەرەك، كاسىپورىن اۋماعىنا تۇرمىستىق جانە زياندى قالدىقتار سوڭعى رەت 2020 جىلدىڭ قازان-قاراشا ايلارىندا كومىلگەن.
— كەلتىرىلگەن زالالدى ءوندىرۋ ساراپشىلاردىڭ قۇزىرەتىنە كىرمەيدى. دەگەنمەن ماماندار قورشاعان ورتانى لاستاۋ دەرەكتەرىن جوققا شىعارمايتىندىعىن ايتادى. ال 7 ميلليارد تەڭگە كولەمىندەگى ەكونوميكالىق زياندى وتەۋ تۋرالى بۇيرىق سول كۇيىندە ءوز كۇشىندە قالادى. كاسىپورىننىڭ اقتوبە وبلىستىق سوتىنا بەرگەن اپەللياتسيالىق شاعىمى قاناعاتتاندىرىلمادى، سوتتىڭ باستاپقى شەشىمى وزگەرىسسىز قالدى. سونداي-اق قازىر سوت كاسىپورىنعا قاراستى مال سويۋ پۋنكتىنىڭ، زەرتحانا مەن ديسبارەردىڭ، سانيتارلىق باقىلاۋ بولمەسىنىڭ، جەم، قازاندىق، بورداقىلاۋ جانە رەپرودۋكتيۆتىك تسەحتاردىڭ جۇمىسىن توقتاتا تۇرۋ تۋرالى تالاپ-ارىزدى قاراپ جاتىر. ءبىز بۇل ماسەلەگە بايلانىستى بۇقارالىق اقپارات قۇرالدارىنا ۇسىنىلعان اقپاراتتىڭ دۇرىس ەمەستىگىن حابارلايمىز، — دەدى باس مامان.
ايتا كەتۋ كەرەك، جۋىردا بلوگەرلەر شوشقا فەرماسىنا قاتىستى قاتە اقپاراتتار مەن ماتەريالدار جاريالاعان بولاتىن.
"ادىرنا" ۇلتتىق پورتالى.
