بەرەكە باسى - بىرلىكتە

644

قحا 25 جىل ىشىندە الەمدىك ارەنادا قازاقستاننىڭ جاقسى اتى شارىقتاۋىنا، بەلدى قاۋىمداستىقتاردىڭ وڭ باعالاۋىنا ىقپال ەتكەن ىرگەلى ينستيتۋتقا اينالدى.

ۇلتتىق مۇددەلەردى قاراما-قايشىلىقتارسىز ءبىر ارناعا توعىستىرا بىلگەن قوعامدىق كەلىسىم كورىنىسى ەل تەرريتورياسىنداعى اۋدان، قالا دەڭگەيىندە دە ەتنومادەني ورتالىق بولىپ جانداندى.

اسسامبلەيا قوعامدىق كەلىسىم مەن ءبىرتۇتاس ۇلتقا بىرىكتىرۋ مىندەتىن ىسكە اسىرا وتىرىپ، جاڭا قوعامنىڭ بارلىق سۇرانىستارىن جاۋاپسىز قالدىرمايدى.

سونداي –اق، ەلباسى ەكشەگەن مىندەتتەردى ورىندايدى. اسسامبلەيا قۇرامىندا مىڭداعان ەتنومادەني ورتالىق، ايماقتاردا «قازاق ءتىلى» قوعامداستىعىمەن قاتار، 2753 قوعامدىق كەلىسىم كەڭەسىنىڭ ەسىگى ازاماتتارعا ايقارا اشىق. اسسامبلەيا قۇرامىنداعى 1801 انالار كەڭەسى دە نازىك جاندىلار تاراپىنان تۋىنداعان كۇرمەۋلى ماسەلەلەردىڭ ءتۇيىنىن تارقاتۋعا سەپتەسىپ وتىر. اسسامبلەيا قىزمەتىنىڭ لايىقتى دەڭگەيدە جۇزەگە اسۋىنا ۇزىن سانى 400 مىڭ ەل تۇرعىنى قولعابىس جاساپ وتىر.

تاتۋلىق ينستيتۋتى ەڭسەرەتىن كەلەسى سپەكتر – قايىرىمدىلىق. 2015 جىلى بەكىگەن قازاقستاننىڭ «قايىرىمدىلىق تۋرالى» زاڭىنىڭ نەگىزىندە ەلدىڭ تۇراقتىلىعىن تۇعىرلى ەتۋگە، قايىرىمدىلىق قىزمەتىن دامىتۋدا قحا الەۋمەتتىك فۋنكتسيا اتقارۋى مەن جاردەمدەسۋى بەلگىلەنگەن.

بىلتىرعى ستاتيستكاعا سۇيەنسەك، اسسامبلەيا 667 مىڭ ادامعا 4 ميلليارد تەڭگەدەن اسىپ جىعىلاتىن كومەك كورسەتكەن. قحا دامۋدىڭ رەۆوليۋتسيالىق ەمەس، ەۆوليۋتسيالىق باعىتىن تۋ ەتكەن. وسى باعىتتا الەۋمەتتىك – تۇرمىستىق قاقتىعىستاردى بولدىرماۋ ماقساتىندا مەدياتسيا قىزمەتىن دە ۇسىنادى.

ەتنوسارالىق تاتۋلىقتى تەرەڭدەتىپ، مەيىرىم مەرەيىن تاسىتۋ ماقساتىندا ەلباسى باستاماسىمەن 2016 جىلى 1 ناۋرىز العىس ايتۋ كۇنى بولىپ بەكىدى. بۇل مەرەكە وتكەن عاسىردىڭ 30-40 جىلدارى قازاقستانعا كوش تۇزەگەن ۇلىستارعا ايقارا قۇشاق اشقان جەرگىلىكتى ۇلتقا العىس ايتۋدىڭ، بىرلىكتىڭ سيمۆوليكالىق بەينەسى.

قازاقستان ىشكى تۇراقتىلىقتى بولاتتاي بەكەمدەۋمەن بىرگە جەر شارىنداعى تۇسىنبەستىك پەن قاقتىعىستاردىڭ وڭ شەشىلۋىنە ىقپال ەتەتىن ەلگە اينالسا, نۇر-سۇلتان قالاسى تاتۋلىق الاڭىنا بالاندى.

ارااعايىندىق پەن الەمدىك بەيبىتشىلىكتىڭ بەسىگىنىڭ شايقالماۋىن شىن قالاپ ناقتى ارەكەت ەتەتىن ەلىمىز تۇراقتىلىقتىڭ قازاقستاندىق مودەلىن شارتاراپقا مويىنداتتى. ءبىزدىڭ تىلەگىمىز قازاقستان باعزىدان جەتكەن «بەرەكە باسى - بىرلەكتە» ۇرانىن ۇمىتپايتىن ۇلت رەتىندە تاريحتا تاڭبالانسىن!

ءىنجۋ ومىرزاق،

”ادىرنا” ۇلتتىق پورتالى

پىكىرلەر
ۇقساس جاڭالىقتار