BTS Digital - قازاقستانداعى ۇزدىك IT كومپانيا

2751
Adyrna.kz Telegram

ەلىمىزدە الداعى جىلدارى تسيفرلاندىرۋ باعىتىندا ۇلكەن وزگەرىستەر كۇتىپ تۇر. ۇيدە وتىرىپ قالاعان قۇجاتىمىزدى راسىمدەي الاتىن كۇن دە الىس ەمەس. ۋاقىت پەن ەنەرگيا ۇنەمدەۋدەن اسقان جەتىستىك جوق. قاربالاس تىرشىلىك ازايىپ، قولىڭىز ۇزارىپ، وتباسىڭىزعا، ءوز ومىرىڭىزگە كوبىرەك كوڭىل بولە الاتىن بولاسىز. وسى باعىتتا قازاقستاندىق IT سالاسىنىڭ ماماندارى ۇلكەن جوبالاردى قولعا الىپ وتىر. بۇل تۋرالى قازاقستانداعى ۇزدىك IT كومپانيالاردىڭ ءبىرى BTS Digital باسشىلىعى جۋرناليستەر مەن بلوگەرلەرمەن كەزدەسۋ بارىسىندا ايتتى. 

الماتىداعى ءباسپاسوز تاڭعى اسىندا BTS Digital جۋرناليستەر مەن بلوگەرلەردى كومپانيامەن، كومانداسىمەن جانە ونىمدەرىمەن تانىستىردى، سونداي-اق جوسپارلارىمەن ءبولىسىپ، سبەر-مەن اراداعى ستراتەگيالىق سەرىكتەستىگى جايىندا  اڭگىمەلەدى.

BTS Digital قازاقستاننىڭ اسا ءىرى ات-كومپانيالارىنىڭ ءبىرى بولىپ تابىلادى.  ءۇش جىل ىشىندە كومپانيا پورتفوليوسى ميلليونداعان پايدالانۋشىلارى بار تابىستى ءارى اۋقىمدى ازىرلەمەلەر قاتارىمەن تولىقتى.

BTS Digital قورجىنىنىڭ ورتالىق ءونىمى Aitu سۋپەرقولدانباسى بولىپ تابىلادى. قولدانباعا مەسسەندجەر، اۋديوقوڭىراۋلار، مۋزىكالىق جانە ويىن الاڭدارى، كىرىكتىرىلگەن ءاميان جانە شاعىن كولدانبالار ماركەتپلەيسى كىرەدى. بۇگىنگى كۇنى Aitu-عا 2,5 ملن استام پايدالانۋشى تىركەلگەن، ال كوممەرتسيالىق جانە مەملەكەتتىك سەرىكتەستەر سانى 30-دان اسادى. جاقىندا Aitu قازاقستاندىق ينتەرنەت بيزنەس جانە ءموبيلدى كوممەرتسيا قاۋىمداستىعىنىڭ نۇسقاسى بويىنشا قازاقستاندىق قولدانبالاردىڭ ۇزدىك بەستىگى قاتارىنا ەندى. بۇل - قولدانبانىڭ رەيتينگكە العاش رەت قاتىسۋى.

كومپانيانىڭ كەلەسى ونىمدىك فلاگمانى  - Digital ID قاشىقتان سايكەستەندىرۋ سەرۆيسى. مەملەكەتتىك قىزمەتتەردى الۋ كەزىندە دە، كوممەرتسيالىق قىزمەتتەر سالاسىندا دا ءونىم كەڭىنەن پايدالانىلادى. 2020 جىلدان بەرى Digital ID جەكە جانە زاڭدى تۇلعالار ءۇشىن  ەلەكتروندىق-تسيفرلىق قولتاڭبانى (ەتسق) قاشىقتان شىعارۋعا مۇمكىندىك بەرەدى جانە مەملەكەتتىك قىزمەتتەردىڭ تولىق تىزبەسىنە قاشىقتان قول جەتكىزۋدى قامتاماسىز ەتىپ كەلەدى.

سونداي-اق، BTS Digital ازىرلەمەلەرىنىڭ اراسىندا تانىمال DosMart كەشبەك-سەرۆيسى دە بار. سەرۆيس چەكتەردى سكانەرلەۋگە مۇمكىندىك بەرىپ، ازىق-تۇلىك دۇكەندەرى مەن ءدارىحانالاردا جاسالعان ساۋدا سوماسىنىڭ ءبىر بولىگىن قايتارىپ بەرەدى. DosMart قازاقستاننىڭ 20 ءىرى قالاسىندا قولجەتىمدى، 100 مىڭنان اسا پايدالانۋشىسى بار ءارى جەتەكشى FMCG جانە فارماتسەۆتيكالىق برەندتەرمەن جۇمىس ىستەيدى.

كومپانيالار GovTech سالاسىنداعى جوبالاردى بەلسەندى ىسكە قوسۋدا. Aitu-عا جەكە تۇلعالارعا ارنالعان  Ashyq كوۆيد-ستاتۋسىن تەكسەرۋ سەرۆيسى جانە كاسىپكەرلەر ءۇشىن Ashyq Business كۋار-كود الۋ سەرۆيسى كىرىكتىرىلگەن. 01 شىلدەدەن باستاپ قازاقستاننىڭ كەز كەلگەن مەملەكەتتىك ورگانىنا ءوتىنىش بەرۋدىڭ بىرىڭعاي جۇيەسى eOtinish ىسكە قوسىلدى. سونىمەن قاتار، Aitu پلاتفورماسىندا  22 مەملەكەتتىك قىزمەتتى الۋ جانە Sanaq 2021 حالىق ساناعىنان ءوتۋ سەرۆيسى قولجەتىمدى.

قازىرگى ۋاقىتتا BTS Digital كومانداسىندا 400-دەن اسا قىزمەتكەر بار، ولاردىڭ  323-ءى قازاقستان ازاماتى بولىپ تابىلادى. كومپانيا يكەمدى باسقارۋ تاجىريبەسىن جانە زاماناۋي ات-مادەنيەتىن دامىتۋ ۇستىندە ءارى جۇمىس ىستەۋدىڭ قاشىقتان ورىندالاتىن جانە ارالاس فورماتىن ۇسىنادى.

ءۇش جىل ىشىندە ءبىز بارىنشا كۇش سالىپ، جاقسى ناتيجەلەرگە قول جەتكىزدىك. حالىققا جانە مەملەكەتكە ارناپ جاسالعان اۋقىمدى جوبالاردىڭ ىسكە اسۋى سونىڭ راستاۋى ىسپەتتى. جوبالارىمىزدان ءبىز زور الەۋەتتى عانا ەمەس، بارشا قازاقستاندىقتاردىڭ ءومىرىن جاقسارتۋعا باعىتتالعان تسيفرلىق شەشىمدەر قۇرۋدى كوزدەيتىن پايىمىمىزدىڭ دا جۇزەگە اسۋىن كورەمىز. بۇگىنگى ءىس-شارادان كەيىن ءبىزدىڭ ونىمدەرىمىز بەن قىزمەتتەرىمىز جايىندا كوپشىلىك جۇرت بىلەتىن بولار دەگەن ۇمىتتەمىن. بۇقارالىق اقپارات قۇرالدارى مەن پىكىر كوشباسشىلارى ءۇشىن اشىقپىز”، - دەپ اتاپ ءوتتى BTS Digital-دىڭ باس ديرەكتورى نۇرتاي ابىلعاليەۆ.

BTS Digital ەلىمىزدىڭ باسقا دا ماڭىزدى IT-ويىنشىلارىمەن بەلسەندى ىنتىماقتاستىق قۇرۋدا.  ۇستىمىزدەگى جىلدىڭ تامىز ايىندا  كومپانيا پلاتفورمالىق شەشىمدەر بويىنشا كونسورتسيۋم قۇرۋعا باستاماشىلىق ەتتى. BTS Digital-دان بولەك كونسورتسيۋم قۇرامىنا تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ء(تسدياوم) جانە استانا حالىقارالىق قارجى ورتالىعى (احقو) كىردى. كونسورتسيۋم شەڭبەرىندە قاتىسۋشىلار ءىرى تەحنولوگيالىق جوبالاردى ىسكە اسىرۋ ءۇشىن ءوز قۇزىرەتتەرى مەن رەسۋرستارىن بىرىكتىرۋدى جوسپارلاپ وتىر.  سبەر توبىنىڭ تەحنولوگيالىق پلاتفورماسى پايدالانىلاتىن GovTech پلاتفورمالىق مودەلىنە ءوتۋ اياسىنداعى كونسورتسيۋمنىڭ مىندەتى جوبانى تولىققاندى ىسكە اسىرۋ، پلاتفورمانى ەنگىزۋ، دامىتۋ جانە الەۋەتتى ەكسپورتتىق ىلگەرىلەتۋ ءۇشىن جەرگىلىكتەندىرۋدىڭ جوعارى دەڭگەيىن قامتاماسىز ەتۋ ماقساتىندا وتاندىق قۇزىرەتتەر مەن رەسۋرستىق بازانى دامىتۋ بولىپ تابىلادى.

2021 جىلدىڭ قىركۇيەك ايىندا BTS Digital كومپانياسى سبەر كومپانيالار توبىنىڭ ستراتەگيالىق سەرىكتەسى مارتەبەسىنە يە بولدى.  رەسەي فەدەراتسياسى اۋماعىنان تىس جەرلەردە سبەر ساپالى ساراپتاما ۇسىنىپ، جوعارى تەحنيكالىق ازىرلىكتى جانە مىندەتتەمەلەر بويىنشا ۇزاق مەرزىمدى كەپىلدىكتەردى قامتاماسىز ەتۋگە دايىن سەنىمدى جەرگىلىكتى سەرىكتەستەرمەن ستراتەگيالىق ارىپتەستىك مودەلى بويىنشا جۇمىس ىستەيدى.  ستراتەگيالىق سەرىكتەستى تاڭداۋ كەزىندە سبەر قۇزىرەتتەردى، تەحنولوگيالىق ساراپتامانى،  كوماندانى، ۇزاق مەرزىمدى ستراتەگيانى جانە اۋقىمدى جوبالاردى ىسكە اسىرۋ تاجىريبەسىن قوسا العانداعى ولشەمشارتتار تىزبەسىن قاراستىردى.

 

BTS Digital ― ەلەكتروندى كوممەرتسيا، كوممۋنيكاتسيا، فينتەح، فۋدتەح، جاساندى ينتەللەكت سالاسىندا جاڭا ونىمدەر مەن سەرۆيستەر ەكوجۇيەسىن قۇرۋشى قازاقستاندىق تسيفرلىق كومپانيا. ءبىز تسيفرلىق تەحنولوگيالاردىڭ ارقايسىسىمىزدىڭ ءومىرىمىزدى جاقسىراق، جەڭىلىرەك ءارى قولايلىراق ەتەتىنىنە سەنەمىز.

BTS Digital قۇرامىنا Aitu – تولەم شەشىمدەرى، BTS Education, Aitu-Dala, Aitu Sauda, Smart Cities, Impact Lab جانە Salem Social Media كىرەتىن Aitu ەكوجۇيەسىنىڭ ءبىر بولىگى بولىپ تابىلادى.

پىكىرلەر