Elımızde aldaǧy jyldary sifrlandyru baǧytynda ülken özgerıster kütıp tūr. Üide otyryp qalaǧan qūjatymyzdy räsımdei alatyn kün de alys emes. Uaqyt pen energiia ünemdeuden asqan jetıstık joq. Qarbalas tırşılık azaiyp, qolyŋyz ūzaryp, otbasyŋyzǧa, öz ömırıŋızge köbırek köŋıl böle alatyn bolasyz. Osy baǧytta qazaqstandyq IT salasynyŋ mamandary ülken jobalardy qolǧa alyp otyr. Būl turaly Qazaqstandaǧy üzdık IT kompaniialardyŋ bırı BTS Digital basşylyǧy jurnalister men blogerlermen kezdesu barysynda aitty.
Almatydaǧy baspasöz taŋǧy asynda BTS Digital jurnalister men blogerlerdı kompaniiamen, komandasymen jäne önımderımen tanystyrdy, sondai-aq josparlarymen bölısıp, SBER-men aradaǧy strategiialyq serıktestıgı jaiynda äŋgımeledı.
BTS Digital Qazaqstannyŋ asa ırı AT-kompaniialarynyŋ bırı bolyp tabylady. Üş jyl ışınde kompaniia portfoliosy milliondaǧan paidalanuşylary bar tabysty ärı auqymdy äzırlemeler qatarymen tolyqty.
BTS Digital qorjynynyŋ ortalyq önımı Aitu superqoldanbasy bolyp tabylady. Qoldanbaǧa messendjer, audioqoŋyraular, muzykalyq jäne oiyn alaŋdary, kırıktırılgen ämiian jäne şaǧyn koldanbalar marketpleisı kıredı. Bügıngı künı Aitu-ǧa 2,5 mln astam paidalanuşy tırkelgen, al kommersiialyq jäne memlekettık serıktester sany 30-dan asady. Jaqynda Aitu Qazaqstandyq internet biznes jäne mobildı kommersiia qauymdastyǧynyŋ nūsqasy boiynşa qazaqstandyq qoldanbalardyŋ üzdık bestıgı qataryna endı. Būl - qoldanbanyŋ reitingke alǧaş ret qatysuy.
Kompaniianyŋ kelesı önımdık flagmany - Digital ID qaşyqtan säikestendıru servisı. Memlekettık qyzmetterdı alu kezınde de, kommersiialyq qyzmetter salasynda da önım keŋınen paidalanylady. 2020 jyldan berı Digital ID jeke jäne zaŋdy tūlǧalar üşın elektrondyq-sifrlyq qoltaŋbany (ESQ) qaşyqtan şyǧaruǧa mümkındık beredı jäne memlekettık qyzmetterdıŋ tolyq tızbesıne qaşyqtan qol jetkızudı qamtamasyz etıp keledı.
Sondai-aq, BTS Digital äzırlemelerınıŋ arasynda tanymal DosMart keşbek-servisı de bar. Servis chekterdı skanerleuge mümkındık berıp, azyq-tülık dükenderı men därıhanalarda jasalǧan sauda somasynyŋ bır bölıgın qaitaryp beredı. DosMart Qazaqstannyŋ 20 ırı qalasynda qoljetımdı, 100 myŋnan asa paidalanuşysy bar ärı jetekşı FMCG jäne farmasevtikalyq brendtermen jūmys ısteidı.
Kompaniialar GovTech salasyndaǧy jobalardy belsendı ıske qosuda. Aitu-ǧa jeke tūlǧalarǧa arnalǧan Ashyq kovid-statusyn tekseru servisı jäne käsıpkerler üşın Ashyq Business kuar-kod alu servisı kırıktırılgen. 01 şıldeden bastap Qazaqstannyŋ kez kelgen memlekettık organyna ötınış berudıŋ bıryŋǧai jüiesı eOtinish ıske qosyldy. Sonymen qatar, Aitu platformasynda 22 memlekettık qyzmettı alu jäne Sanaq 2021 halyq sanaǧynan ötu servisı qoljetımdı.
Qazırgı uaqytta BTS Digital komandasynda 400-den asa qyzmetker bar, olardyŋ 323-ı Qazaqstan azamaty bolyp tabylady. Kompaniia ikemdı basqaru täjıribesın jäne zamanaui AT-mädenietın damytu üstınde ärı jūmys ısteudıŋ qaşyqtan oryndalatyn jäne aralas formatyn ūsynady.
“Üş jyl ışınde bız barynşa küş salyp, jaqsy nätijelerge qol jetkızdık. Halyqqa jäne memleketke arnap jasalǧan auqymdy jobalardyŋ ıske asuy sonyŋ rastauy ıspettı. Jobalarymyzdan bız zor äleuettı ǧana emes, barşa qazaqstandyqtardyŋ ömırın jaqsartuǧa baǧyttalǧan sifrlyq şeşımder qūrudy közdeitın paiymymyzdyŋ da jüzege asuyn köremız. Bügıngı ıs-şaradan keiın bızdıŋ önımderımız ben qyzmetterımız jaiynda köpşılık jūrt bıletın bolar degen ümıttemın. Būqaralyq aqparat qūraldary men pıkır köşbasşylary üşın aşyqpyz”, - dep atap öttı BTS Digital-dyŋ bas direktory Nūrtai Äbılǧaliev.BTS Digital elımızdıŋ basqa da maŋyzdy IT-oiynşylarymen belsendı yntymaqtastyq qūruda. Üstımızdegı jyldyŋ tamyz aiynda kompaniia platformalyq şeşımder boiynşa konsorsium qūruǧa bastamaşylyq ettı. BTS Digital-dan bölek konsorsium qūramyna Sifrlyq damu, innovasiialar jäne aeroǧaryş önerkäsıbı ministrlıgı (SDİAÖM) jäne Astana Halyqaralyq Qarjy Ortalyǧy (AHQO) kırdı. Konsorsium şeŋberınde qatysuşylar ırı tehnologiialyq jobalardy ıske asyru üşın öz qūzyretterı men resurstaryn bırıktırudı josparlap otyr. SBER Tobynyŋ tehnologiialyq platformasy paidalanylatyn GovTech platformalyq modelıne ötu aiasyndaǧy konsorsiumnyŋ mındetı jobany tolyqqandy ıske asyru, platformany engızu, damytu jäne äleuettı eksporttyq ılgerıletu üşın jergılıktendırudıŋ joǧary deŋgeiın qamtamasyz etu maqsatynda otandyq qūzyretter men resurstyq bazany damytu bolyp tabylady. 2021 jyldyŋ qyrküiek aiynda BTS Digital kompaniiasy SBER Kompaniialar Tobynyŋ strategiialyq serıktesı märtebesıne ie boldy. Resei Federasiiasy aumaǧynan tys jerlerde SBER sapaly saraptama ūsynyp, joǧary tehnikalyq äzırlıktı jäne mındettemeler boiynşa ūzaq merzımdı kepıldıkterdı qamtamasyz etuge daiyn senımdı jergılıktı serıktestermen strategiialyq ärıptestık modelı boiynşa jūmys ısteidı. Strategiialyq serıktestı taŋdau kezınde SBER qūzyretterdı, tehnologiialyq saraptamany, komandany, ūzaq merzımdı strategiiany jäne auqymdy jobalardy ıske asyru täjıribesın qosa alǧandaǧy ölşemşarttar tızbesın qarastyrdy.
BTS Digital ― elektrondy kommersiia, kommunikasiia, finteh, fudteh, jasandy intellekt salasynda jaŋa önımder men servister ekojüiesın qūruşy qazaqstandyq sifrlyq kompaniia. Bız sifrlyq tehnologiialardyŋ ärqaisysymyzdyŋ ömırımızdı jaqsyraq, jeŋılırek ärı qolailyraq etetınıne senemız. BTS Digital qūramyna Aitu – Tölem şeşımderı, BTS Education, Aitu-Dala, Aitu Sauda, Smart Cities, Impact Lab jäne Salem Social Media kıretın Aitu ekojüiesınıŋ bır bölıgı bolyp tabylady.
Ūqsas jaŋalyqtar
