پارلامەنت ماجىلىسىندەگى ۇكىمەت ساعاتىندا دەنساۋلىق ساقتاۋ ءمينيسترى الەكسەي تسوي بىرقاتار اۋرۋلارعا قارسى پروفيلاكتيكالىق ەكپەدەن قانشا ادام باس تارتقانىن ايتتى، دەپ حابارلايدى «ادىرنا» ءتىلشىسى قازاقپارات-قا سىلتەمە جاساپ.
«بۇرىنعىسىنشا ۆاكتسينالاۋدان باس تارتۋ ماسەلەسى ءالى دە وزەكتى. 2013 جىلدان باستاپ قازىرگى ۋاقىتقا دەيىن ۆاكتسينالاۋعا جاتقىزىلعانداردىڭ اراسىندا پروفيلاكتيكالىق ەكپەدەن 24 976 ادام باس تارتتى. ونىڭ ىشىندە 58 پايىزى جەكە سەبەپتەرىمەن، 23,2 پايىزى ءدىني سەنىمى، 12,8 پايىزى ۆاكتسيناعا سەنىمسىزدىك تانىتقاندىقتان، 6 پايىزى بۇقارالىق اقپارات قۇرالدارىنداعى نەگاتيۆتى اقپارات سالدارىنان ەكپە المادى»، - دەدى ا. تسوي.
ونىڭ ايتۋىنشا، بيىلدىڭ 1 جارتىجىلدىعىندا ۆاكتسينادان باس تارتۋدىڭ 3 417 جاعدايى تىركەلدى.
«تۇراقتى تۇردە ءتۇسىندىرۋ جۇمىستارىن جۇرگىزىپ كەلەمىز. بيىل ۆاكتسينالاۋعا قاتىستى قارسى پىكىردەگى 197 ادام ويىن وزگەرتىپ، ەكپە سالدىردى»، - دەدى مينيستر.
ايتا كەتەيىك، ا. تسوي بيىل ەلىمىزدە بىرقاتار قاۋىپتى ينفەكتسيا تىركەلمەگەنىن ءمالىم ەتتى.
«ادىرنا» ۇلتتىق پورتالى
