Parlament Mäjılısındegı Ükımet saǧatynda Densaulyq saqtau ministrı Aleksei Soi bırqatar aurularǧa qarsy profilaktikalyq ekpeden qanşa adam bas tartqanyn aitty, dep habarlaidy «Adyrna» tılşısı QazAqparat-qa sılteme jasap.
«Būrynǧysynşa vaksinalaudan bas tartu mäselesı älı de özektı. 2013 jyldan bastap qazırgı uaqytqa deiın vaksinalauǧa jatqyzylǧandardyŋ arasynda profilaktikalyq ekpeden 24 976 adam bas tartty. Onyŋ ışınde 58 paiyzy jeke sebepterımen, 23,2 paiyzy dıni senımı, 12,8 paiyzy vaksinaǧa senımsızdık tanytqandyqtan, 6 paiyzy būqaralyq aqparat qūraldaryndaǧy negativtı aqparat saldarynan ekpe almady», - dedı A. Soi.Onyŋ aituynşa, biyldyŋ 1 jartyjyldyǧynda vaksinadan bas tartudyŋ 3 417 jaǧdaiy tırkeldı.
«Tūraqty türde tüsındıru jūmystaryn jürgızıp kelemız. Biyl vaksinalauǧa qatysty qarsy pıkırdegı 197 adam oiyn özgertıp, ekpe saldyrdy», - dedı ministr.Aita keteiık, A. Soi biyl elımızde bırqatar qauıptı infeksiia tırkelmegenın mälım ettı.
«Adyrna» ūlttyq portaly
