پسيحولوگ: ەلىمىزدە "كالمار ويىنى" سەريالىنا تىيىم سالۋ كەرەك

872

سوڭعى كەزدە كوپشىلىك "كالمار ويىنى" سەريالى تۋرالى كوپتەگەن پىكىر ايتۋدا. ال سەريال كورگەن بالالار كينوداعى ەپيزودتاردى قايتالاۋدا. الەم ۇستازدارى وسىلاي دەپ دابىل قاعۋدا. بالالار ويىن ويناپ، جەڭىلگەندەردى كەمسىتىپ، قورلاپ، ءتىپتى سوققىعا جىعىپ، قاتىگەز جازالاۋدا دەپ حابارلايدى "ادىرنا" ۇلتتىق پورتالى "nege.kz-كە" سىلتەمە جاساپ.

ال قيالى قاتتى دامىعان بالالار ستسەناريدەن شىعىپ، كينوداعىدان دا قاۋىپتى جازالاردى ويلاپ تابۋدا.  پسيحولوگ ءارى پسيحوتەراپەۆت گالينا سالتانوۆانىڭ ايتۋىنشا، بۇل ويىندى توقتاتپاسا، ونىڭ سوڭى ورنى تولماس وكىنىشكە اپارۋى مۇمكىن.

"بالالاردىڭ پسيحيكاسى تولىق قالىپتاسىپ بىتپەگەن. ولار وبرازدى تۇردە، كوز الدىنا كارتينانى ەلەستەتىپ ويلانادى. ال ول ويلارى الدىمەن ساناسىنا، كەيىن بەيساناسىنا جازىلادى", - دەيدى پسيحولوگ.

گ.سالتانوۆانىڭ پىكىرىنشە، "كالمار ويىنى" بالالار ءۇشىن قاۋىپتى. بۇل ويىن ءالسىز ادامنىڭ كوزىن جويۋعا جەتەلەيدى.

"ويىن - بالالىق كەزەڭنىڭ جەتەكشى قىزمەتى. ويىن ويناۋ ارقىلى ءبىز رولدەردى تانىپ-بىلەمىز. بۇرىن بالالار اناسى مەن قىزى، دۇكەنشى، قۇتقارۋشى، پوليتسەي سىندى ويىنداردى وينايتىن. ەندى بالالار قاسكويدى سومدايدى. بۇل قوعام ءۇشىن قاۋىپتى", - دەيدى گالينا سالتانوۆا.

پسيحولوگتىڭ ايتۋىنشا، ەلىمىزدە "كالمار ويىنىنا" تەز ارادا شەكتەۋ قويۋ كەرەك.

"كالمار ويىنى" وتە قاۋىپتى. بەلگىسىز ادامداردىڭ مەكتەپكە باسىپ كىرىپ، وقۋشىلاردى اتىپ تاستاعانىن حيكايالاردان بىلەمىز. اتا-انالار بالانىڭ تەلەديداردان، عالامتوردان قانداي كونتەنت قاراپ وتىرعانىن قاتاڭ باقىلاۋى كەرەك", - دەيدى پسيحولوگ.

بۇل ويىندى ويناعان بالانىڭ پسيحيكاسىنا ءسىڭىپ، بولاشاقتا ول سىرتقا شىعىپ، ادام شوشىرلىق جايتتارعا اپارۋى مۇمكىن. "جۇيكە-جۇيەسى ءالسىز قابىلداعىش بالالار ءالسىز بولۋدان قورقاتىن بولادى", - دەدى گ.سالتانوۆا.

ايتا كەتەيىك، "كالمار ويىنى" — جاقىندا عانا ەل اراسىندا كەڭىنەن تانىمال بولعان Netflix-تەگى سەريال. حيكايادا قارىزعا باتقان ادامدار ءبىرتۇرلى ويىنعا قاتىسۋعا كەلىسەدى. جەڭىمپاز قوماقتى قارجىعا يە بولسا، جەڭىلگەندەر ولەدى. سەريال الەمنىڭ 90 ەلىندە ەڭ كوپ قارالعان 10 تۋىندىنىڭ ىشىندە كوش باستادى. 

 

"ادىرنا" ۇلتتىق پورتالى.

پىكىرلەر
ۇقساس جاڭالىقتار