كورەي رەجيسسەرى حۆان دونگ حيۋك سەريال ستسەناريىنىڭ جالعاسىن ازىرلەپ جاتقانىن مالىمدەدى، دەپ حابارلايدى “ادىرنا” ۇلتتىق پورتالى.
سەريال اۆتورى Associated Press اگەنتتىگىنە ەكىنشى ماۋسىمعا دايىندالىپ جاتقانىن ايتتى. بۇل جاڭالىققا جانكۇيەرلەرى قاتتى قۋاناتىنىن دا جاسىرمادى.
جانكۇيەرلەردىڭ سەريالعا دەگەن ماحابباتى، ءارى سەريالدىڭ جالعاسۋىنا كوپتەگەن وتىنىشتەر ءتۇستى. ماعان تاڭداۋ قالدىرمادى. ءدال قازىرگى ساتتە مەنىڭ ميىمدا سيۋجەت ساتتەرى ەلەستەپ جاتىر. جوسپارلاۋ ۇستىندەمىن. الايدا 2 ماۋسىمنىڭ قاشان شىعاتىنىن كەسىپ ايتۋعا ءالى ەرتە،- دەدى رەجيسسەر.
بۇعان دەيىن The Guardian-عا بەرگەن سۇحباتىندا حۆان دونگ حيۋك Netflix باسشىلىعىمەن سەريالدى جالعاستىرۋ تۋرالى سويلەسۋگە قارسى ەمەس ەكەنىن مالىمدەدى:
مەن ءالى ويلانۋ ۇستىندەمىن. مەن ءبىر كينو تۇسىرمەكپىن. ەڭ الدىمەن نە ىستەۋ كەرەگىن شەشىپ الايىن. Netflix-پەن كەلىسىم جۇرگىزۋ قاجەت.
“ادىرنا” ۇلتتىق پورتالى
