ەلورداداعى ستاديون تولىعىمەن بۇزىلىپ، جاڭاسى سالىنادى

874

ەلوردادا وسىدان 85 جىل بۇرىن سالىنعان قاجىمۇقان مۇڭايتپاسوۆ اتىنداعى ورتالىق ستاديون اپاتتىق جاعدايدا دەپ تانىلدى. عيمارات پەن تريبۋنا تولىق قيراتىلىپ، ورنىنا جاڭا كەشەن سالىنادى. بۇل تۋرالى قالالىق اكىمدىكتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.

ستاديون سالىنعانىنا تۋرا 85 جىل. سپورت كەشەنى 1936 جىلى اشىلدى. ستاديونعا 12 250 كورەرمەن سيادى. 

اكىمدىكتىڭ مالىمەتىنشە سپورت كەشەنى اپاتتىق جاعدايدا.

"مۇڭايتپاسوۆ اتىنداعى ورتالىق ستاديون اپاتتى دەپ تانىلعاندىقتان، بۇگىندە جوبالاۋ-ىزدەستىرۋ جۇمىستارى جۇرگىزىلىپ جاتىر. سپورت كەشەنى ەسكيزدىك جوبانى ازىرلەۋ ساتىسىندا", - دەدى اكىمدىك ءباسپاسوز قىزمەتىنىڭ وكىلدەرى. 

ايتۋلارىنشا، جاي جوندەۋ جۇمىستارى ەمەس، ستاديون تولىعىمەن بۇزىلىپ، قايتا جاڭاسى تۇرعىزىلادى.

”ادىرنا” ۇلتتىق پورتالى

پىكىرلەر
ۇقساس جاڭالىقتار