ۆيدەوبلوگەر قىتايداعى مۇسىلماندارعا ارنالعان لاگەردى ۆيدەوعا ءتۇسىرىپ الدى، دەپ حابارلايدى “ادىرنا” ۇلتتىق پورتالى.
Stan.kz سايتىنىڭ مالىمدەمەسىنە سۇيعنسەك، گۋان گۋان لاقاپ اتىن يەلەنگەن بلوگەر ءوزىن تۋريست ەتىپ كورسەتىپ، ەكى يىقتى سومكەسىندە جاسىرىلعان كامەرامەن شىڭجاڭ-ۇيعىر اۆتونوميالىق اۋدانىنىڭ سەگىز قالاسىن ارالاپ شىقتى. ول وسى قالالاردا قىتايداعى سانى از، قىسىم كورگەن ۇلتتار تۇرادى دەپ ەسەپتەگەن.
ول تىكەندى سىممەن، كۇزەت مۇنارالارىمەن جانە پوليتسيانىڭ باقىلاۋ-وتكىزۋ پۋنكتتەرىمەن قورشالعان 18 لاگەردى انىقتادى. سونداي-اق، بلوگەر اۋماعىنان "ەڭبەك ارقىلى تۇزەۋ" دەگەن ۇران جازىلعان باننەر تابىلعان الىپ تەرگەۋ يزولياتورىن دا تۇسىرگەن. كوپتەگەن لاگەرلەر كارتالاردا بەلگىلەنبەگەن.
ناۋرىزدا جاريالانعان Newlines Institute اناليتيكالىق ورتالىعىنىڭ ماگومەتانيزمگە قاتىستى ماسەلەلەرگە مامانداندىرىلعان تاۋەلسىز بايانداماسىنا سايكەس، قىتاي حالىق رەسپۋبليكاسىنىڭ بيلىگى بۇۇ-نىڭ گەنوتسيد قىلمىسىنىڭ الدىن الۋ جانە ول ءۇشىن جازالاۋ تۋرالى كونۆەنتسياسىنىڭ ءار تىيىمىن بۇزعانى انىقتالدى.
شىڭجاڭ-ۇيعىر ايماعىندا ەتنيكالىق ازشىلىقتاردىڭ باسىنان وتكەن جاعدايدى ولاردى جويۋعا جاسالعان تالپىنىس دەپ ساناۋعا بولادى.
“ادىرنا” ۇلتتىق پورتالى
