ورتا سالماقتاعى IBF جانە IBO بويىنشا الەم چەمپيونى قازاقستاندىق گەننادي گولوۆكين ءوزىنىڭ بۇرىنعى قارسىلاسى مەكسيكالىق ساۋل كانەلو الۆارەستىڭ سالماق دارەجەلەرىن ۇنەمى وزگەرتىپ وتىرعانىنا قاتىستى پىكىر ءبىلدىردى، - دەپ حابارلايدى "ادىرنا" ۇلتتىق پورتالى Vesti.kz سايتىنا سىلتەمە جاساپ.
گولوۆكين ءدال وسىنداي جولمەن كانەلونىڭ ءۇشىنشى جەكپە-جەكتەن قاشقاقتايتىنىن جوققا شىعارمادى. جاقىندا مەكسيكالىق ەكىنشى ورتا سالماقتاعى ءابسوليۋتتى چەمپيون اتاندى، سونىمەن قاتار، ول جەڭىل سالماقتاعى اتاقتى جەڭىپ الدى، ەندى اۋىر ديۆيزيونعا كوتەرىلۋدى جوسپارلادى.
"سالماق دارەجەلەرىن اۋىستىرۋدىڭ باستى سەبەبى وسى دەگىم كەلمەيدى. بىراق بۇل دالەل نەگىزسىز بولماۋى مۇمكىن. جاسىراتىنى جوق، DAZN-ءنىڭ الدىندا بەلگىلى ءبىر مىندەتتەمەلەرى بولعانىنا قاراماستان، ول باسقا جولمەن ءجۇردى، ءۇشىنشى جەكپە-جەكتى وتكىزگىسى كەلمەدى. مۇنىڭ ءبارى، قاشقىسى كەلەتىنىن كورسەتۋى مۇمكىن", - دەپ كەلتىردى El Paso Times باسىلىمى گولوۆكيننىڭ ءسوزىن.
ەسكە سالايىق، گولوۆكين مەن كانەلو ەكى رەت كەزدەستى. ءبىرىنشىسى 2017 جىلدىڭ قىركۇيەگىندە داۋلى تۇردە تەڭ ناتيجەمەن اياقتالدى، ال ءبىر جىلدان كەيىن تورەشىلەر كوپشىلىك شەشىمىمەن جەڭىستى مەكسيكالىققا بەردى.
"ادىرنا" ۇلتتىق پورتالى
