دجون حولت – بريتاندىق جۋرناليست، جازۋشى، پەداگوگ. «بالا ساتسىزدىگىنىڭ سەبەپتەرى» كىتابىنىڭ اۆتورى.
«جەتىستىككە جەتكىڭ كەلسە ساباعىڭدى بەسكە وقى». اتا-انامىز بەن مۇعالىمدەردەن كۇندە ەستيتىن ءسوزىمىز وسى. بىراق سىنىپتا ۇشكە وقىعان دوسىڭىز قازىر تابىستى بيزنەسمەن. بەس پەن ءۇشتىڭ سوندا ايىرماشىلىعى بار ما؟ كوپتىڭ كوكەيىندە جۇرگەن سۇراق وسى. مەكتەپتە قويىلعان باعالار باقىتتى بولۋىڭا سەبەپكەر بولا الا ما؟
دجون حولت «بالا ساتسىزدىگىنىڭ سەبەپتەرى» كىتابىندا بۇل سۇراقتارعا مىسالدارمەن جاۋاپ بەرگەن.
باعا باعىڭدى بايلاي المايدى
اقش-تىڭ بۇرىنعى پرەزيدەنتى دجوردج بۋش قادىرلى قوناق رەتىندە تۇلەكتەردىڭ وقۋ ءبىتىرۋ كەشىنە بارعاندا: «ۇزدىك بىتىرگەن ستۋدەنتتەردى شىن جۇرەگىممەن قۇتتىقتايمىن! جارايسىزدار! ۇشكە وقىعان ستۋدەنتتەرگە ايتارىم: سىزدەر پرەزيدەنت تە بولا الاسىزدار! مەكتەپ پەن ۋنيۆەرسيتەتتەگى العان باعالارىڭىز ماڭىزدى ەمەس. ءومىر شەكسىز مۇمكىندىكتەرگە تولى» دەپ ستۋدەنتتەرگە ەرەكشە جىگەر بەرگەن.
شىن مانىندە، اقش-تى باسقارعان پرەزيدەنتتەردىڭ كوبى قاناعاتتانارلىق باعاعا وقىعان. ولاردىڭ ىشىندە دجون كەننەدي مەن ليندون دجونسون دا بار. ساياسي كوشباسشىلاردان باسقا اكادەميالىق ءبىلىمى جوق بىلىكتى كاسىپكەرلەر ستيۆ دجوببس، بيل گەيتس جانە الەمدەگى ەڭ جاس ميللياردەر ايەل ەليزابەت حولمس.
ولار ارماندارى ءۇشىن ءبىرى گارۆورد ۋنيۆەرسيتەتىن، ءبىرى ستەنفورد ۋنيۆەرسيتەتىندەگى وقۋىن تاستادى. حيپپي ميلليونەر ريچارد برەنسون دا ديسلەكتسيادان (وقۋ مەن جازۋ قيىندىقتارى) زارداپ شەگىپ، 15 جاسىندا مەكتەپكە بارۋىن دوعاردى.
ءبىلىمىڭدى باعاعا تاۋەلدى ەتپە
ايگىلى امەريكالىق استروفيزيك نيل دەگراسس تايسون ستۋدەنتتەرگە ارناعان جولداۋىندا: «مانساپ ساتىسىنا كوتەرىلگەندە سىزدەن ۋنيۆەرسيتەتتە قانداي بالل العانىنىڭىزدى ەشكىم سۇرامايدى».
ءومىر وزەن سياقتى. ونىڭ اعىسى ادامداردىڭ مىنەزىن، تاجىريبەسىن، قادامىن شىڭدايدى. تابىسقا جەتۋ ءۇشىن سىزگە كەرەگى قۇمارلىق، جوعارى ەموتسيونالدى ينتەللەكت جانە جەڭىلىستەردى قابىلداي الاتىن قاسيەت.
ادەتتە ناشار باعاعا وقىعان ستۋدەنتتەردىڭ كوبى ءوز ورتاسىندا كوشباسشى. ولار باسقارۋدىڭ قۇپيالارىن جەتىك بىلەدى. ەشقاشان ءبىر جاقتى پىكىردى قولدامايدى. وسى قاسيەتتەرى ءۇشىن ۇشتىك الىپ جاتادى.
ءبىلىم ورداسى قاتاڭ ەرەجەلەرگە تولى. اسىرەسە مۇعالىمدەردىڭ: «بۇل وسىلاي بولۋى كەرەك، باسقاسى مۇمكىن ەمەس» دەگەن پىكىرىنە قارسىلىق بىلدىرگەندەرى ءۇشىن وپىق جەيدى.
دەگەنمەن ناشار باعالار ميللياردەر بولۋىمىزعا كەپىلدىك بەرمەيدى، جاقسى باعالاردىڭ دا سەبەپكەر بولۋى ەكىتالاي. باعا – قاعازداعى سيمۆول. باستىسى شەشىم مەن ناتيجە.
ءبىلىمىڭىزدى قالاۋىڭىزبەن ۇيلەستىرىڭىز، تابىسقا جەتەسىز!
ءىنجۋ ومىرزاق،
"ادىرنا" ۇلتتىق پورتالى
