ءۇشىنشى مەگاپوليستە تسيفرلاندىرۋ باعىتىندا اۋقىمدى جۇمىس اتقارىلۋدا. بۇل تۋرالى شىمكەنت قالالىق تسيفرلاندىرۋ باسقارماسىنىڭ ماماندارى باق وكىلدەرىنە وتكىزگەن ءباسپاسوز تۋرى بارىسىندا مالىمدەدى. اقپاراتتىق توپ الدىمەن «ءى-كومەك 109» ورتالىعىندا بولدى.
ورتالىق جەتەكشىسى ازات ءامىرتايدىڭ بايانداۋىنشا، «ءى-كومەك 109» قىزمەتى قالا اكىمى مۇرات ايتەنوۆتىڭ باستاماسىمەن 2020 جىلدىڭ 26 ماۋسىمىندا اشىلعان. ءبىر جىلدان استام ۋاقىت ىشىندە قالا تۇرعىندارىنان 230 مىڭنان اسا ارىز-شاعىم تۇسكەن. سونىڭ ىشىندە 228 مىڭ ارىز وڭ شەشىلىپ، كورسەتكىش 98 پايىزدى قۇراپ وتىر. ورتالىق وكىلدەرىنىڭ ايتۋىنشا، قالا تۇرعىندارىن مازالايتىن سۇراقتاردىڭ ىشىندە قوعامدىق كولىك، جارىق پەن سۋ، قوقىس تازالاۋ سەكىلدى كوممۋنالدى ماسەلەلەر بار.
بۇدان كەيىن «I-Shymkent» جوباسىنىڭ جۇمىسى تانىستىرىلدى. شىمكەنت قالالىق تسيفرلاندىرۋ باسقارماسى باسشىسىنىڭ مىندەتىن اتقارۋشى ماقسات تۋعانبايدىڭ ايتۋىنشا، بۇل ورتالىق ەكى فورماتتا جۇمىس ىستەيدى.
– وزدەرىڭىزگە ءمالىم، قازىرگى تاڭدا بۇكىل قىزمەتتەر ەلەكتروندى فورماتقا كوشۋدە. وسىعان بايلانىستى قالا اكىمىنىڭ تاپسىرماسىنا سايكەس «I-Shymkent» جوباسى جۇزەگە اسىرىلىپ وتىر. مۇندا ءبىر تەرەزە ارقىلى بىرنەشە قىزمەتتى اتقارۋعا مۇمكىندىك بار. «I-Shymkent» ورتالىعى كەلەسى جىلدان باستاپ ەكى فورماتتا جۇمىس ىستەيدى. ءبىرىنشى فورمات – ونلاين، ياعني، پورتال ارقىلى. ازاماتتار I-shymkent.kz سايتى ارقىلى كوممۋنالدى قىزمەتتەرگە جانە ينتەرنەتكە ءوتىنىش قالدىرا الادى. ەكىنشى فورمات – وففلاين. ەرىمبەتوۆ كوشەسى، 52/3 عيماراتتا اشىلعان فرونت-وفيسكە كەلىپ، ءوتىنىشتى قالدىرۋعا بولادى، – دەيدى ماقسات تۋعانباي.
بۇدان كەيىن باق وكىلدەرىنە قالالىق ىشكى ىستەر دەپارتامەنتىنىڭ شۇعىل باسقارۋ ورتالىعى مەن ساۋلە شاعىناۋدانى تۇرعىندارىن ينتەرنەتپەن قامتاماسىز ەتۋ بويىنشا اتقارىلىپ جاتقان جۇمىستار تانىستىرىلدى. بۇل جۇمىستار تسيفرلاندىرۋ باسقارماسىنىڭ تىكەلەي باقىلاۋىمەن جۇزەگە اسىرىلۋدا.
نۇرلان بەكتاەۆ
فوتو: سەرىك قوساەۆ
