بۇگىن شىمكەنت قالالىق جاسوسپىرىمدەر كىتاپحاناسىندا تاۋەلسىزدىگىمىزدىڭ 30 جىلدىعىنا – «جۇلدىزدى 30 كۇن» جوباسى اياسىندا «تاۋەلسىزدىك جانە ۇلتتىق رۋح» اتتى اشىق ەسىك كۇنى ءوتتى. مەرەكەلىك ءىس-شاراعا ارنايى كورمە ۇيىمداستىرىلىپ، مەرەكەگە ساي بەزەندەندىرۋلەر جۇرگىزىلدى. ءىس – شاراعا ارنايى زيالى قاۋىم وكىلدەرى ب. تىلەنشينا، س.ولجاباي، ا.بەيبىتبەك، ا.مۇراتاليەۆا قاتىسىپ، تاۋەلسىزدىك تۋرالى ءوز وي-تولعانىستارىمەن ءبولىستى.سونداي-اق «پاراسات»، «جەڭىل ونەركاسىپ جانە سەرۆيس» كوللەدجى،ءو.جولداسبەكوۆ اتىنداعى №9 ليتسەي، اقپان باتىر اتىنداعى №10 مەكتەپ وقۋشىلارى جانە «التىن ءدان» بالاباقشا بۇلدىرشىندەرى كەشتى جانداندىرىپ، تاۋەلسىزدىككە جىر-شاشۋلارىن تارتۋ ەتتى.
كەش تىزگىنىن ۇستاعان كىتاپحاناشى ق.ەلەكەەۆانىڭ جان تەبىرەنتەرلىك اندەرى، قوس ءبۇلدىرشىن ەرماحانبەت نۇرايلىم مەن ءىنجۋدىڭ، «التىن عاسىر» دۋەتى،م.جاڭبىروۆتىڭ ساكسافونداعى اۋەندەرى كەش قوناقتارىنا كەرەمەت مەرەكەلىك كوڭىل-كۇي سىيلادى.
كەشتى قورىتىندىلاعان كىتاپحانا ديرەكتورى راۋشان باباجانقىزى تاۋەلسىزدىك مەرەكەسىمەن قۇتتىقتاپ، بەلسەندى ۇستازدار مەن وقۋشىلاردى العىس حاتپەن ماراپاتتادى.
ەل پرەزيدەنتى قاسىم-جومارت توقاەۆ اتاپ وتكەنىندەي «تاۋەلسىزدىك بارىنەن قىمبات!».
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز