قاراعاندىدا «ۇلتقا قىزمەت» تاريحي دراماسى ساحنالاندى

1820

ساكەن سەيفۋللين اتىنداعى وبلىستىق-اكادەميالىق قازاق دراما تەاترىندا ۇلتتىق رۋح جاڭعىردى. ونەردىڭ قاراشاڭىراعىندا قانات ءجۇنىسوۆتىڭ «ۇلتقا قىزمەت» اتتى تاريحي داراماسى ساحنالاندى. تۋىندىدا ۇلت كوسەمى ءاليحان بوكەيحان جانە احمەت بايتۇرسىنوۆ، ءالىمحان ەرمەكوۆ سىندى الاش الىپتارىنىڭ ازاتتىق جولىنداعى كۇرەسى باياندالادى، دەپ حابارلايدى "ادىرنا" ۇلتتىق پورتالى "Saryarqa" تەلەارناسىنا سىلتەمە جاساپ.

تاريحي دراما پاتشا ۇكىمەتى قۇلاپ، اق پەن قىزىلدىڭ ايقاسى باستالىپ كەتكەن كەزەڭدى سۋرەتتەيدى. ءدال سول دۇربەلەڭدە ءاليحان بوكەيحان باستاعان ءبىر توپ زيالىلار الاشوردا ۇكىمەتىن قۇرىپ، كەزىندە ايرىلىپ قالعان مەملەكەتتى قالىپىنا كەلتىرۋ ءۇشىن جۇرگىزگەن كۇرەستەرى – تۋىندىنىڭ نەگىزگى مازمۇنىنا ارقاۋ بولدى. اۆتور دراما شىنايى بولۋ ءۇشىن ونى جازۋ بارىسىندا بەلگىلى ادەبيەتتانۋشىلارمەن، تاريحشىلارمەن كەڭەسكەنىن ايتادى.

قانات ءجۇنىسوۆ، «ۇلتقا قىزمەت» تاريحي دراماسىنىڭ اۆتورى:

— تاۋەلسىزدىكتىڭ 30 جىلدىعىنا وراي جازىلعان. بۇل الاش جايلى، الاش قايراتكەرلەرى جايلى. ءاليحان بوكەيحانوۆتىڭ 155 جىلدىعى، جاقىپ اقباەۆتىڭ 145 جىلدىعى، ءالىمحان ەرمەكوۆتىڭ 130 جىلدىعى نەگىزگە الىندى.

تاريحي وبرازداردى ساكەن سەيفۋللين اتىنداعى وبلىستىق اكادەميالىق قازاق دراما تەاتىرىنىڭ اكتەرلەرى سومدادى. ولاردىڭ اۋزىمەن ازاتتىق ءۇشىن كۇرەسكەن الاش زيالىلارىنىڭ قاناتتى سوزدەرى ايتىلدى. دراما كورەرمەننىڭ كوڭىل تۇپكىرىنە جەتسە كەرەك، ولار كوز جاسىنا ەرىك بەردى. اسىرەسە ۇلت كوسەمى ءاليحان بوكەيحان جايلى كولەمدى ەڭبەكتەر جازىپ، ونىڭ ءومىرىن زەرتتەپ جۇرگەن نۇرساحان بەيسەنبەكوۆاعا ەرەكشە اسەر ەتىپتى. ول دا زالدان جىلاپ  شىقتى.

نۇرساحان بەيسەنبەكوۆا، «تۇلعاتانۋ» عىلىمي-زەرتتەۋ ورتالىعىنىڭ ديرەكتورى:

- ءاليحان بوكەيحان — ۇلت ماقتانىشى دەگەن مونوگرافيانىڭ اۆتورى رەتىندە، الاش قوزعالىسىنىڭ تاريحى دەگەن وقۋلىق جازعان ادام رەتىندە مىنا سپەكتاكلدەن كەرەمەت اسەر الدىم. قازاقتىڭ 20 عاسىرداعى ءومىرى ساحنادان ءوتتى. كىتاپپەن سالىستىرىپ وتىردىم. ءاليحان بوكەيحاندى جاقسى زەرتتەگەن، ونى سەزىنگەن اۆتور ەكەن.

اۆتورى درامانىڭ سوڭىندا ەگەمەن ەلدە تۋعان ءجاسوسپىرىمدى ساحاناعا شىعارىپ، ونىڭ ۇنىمەن كورەرمەنگە ەلدىك، ازاتتىق حاقىندا جالىندى ويلاردى جەتكىزدى. ەڭ سوڭىندا ءانۇران شىرقالدى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket