شىمكەنت قالاسىنىڭ اكىمى مۇرات ايتەنوۆ سايرام تۇرعىن الابىنداعى №4 بالالار ۇيىنە ارنايى بارىپ تاربيەلەنۋشىلەر ازىرلەگەن جاڭاجىلدىق مەرەكەنىڭ قوناعى بولدى. قالا باسشىسى بالالار مەن تاربيەشىلەردى كەلە جاتقان جاڭا جىل مەرەكەسىمەن قۇتتىقتاپ، اقجارما تىلەگىن جەتكىزدى.
شاھار باسشىسى بالالارعا ەل تاۋەلسىزدىگى تۋرالى اڭگىمەلەپ، مەملەكەتىمىز ءاربىر ازاماتتىڭ ءبىلىمدى، سالاۋاتتى بولۋى ءۇشىن بارلىق يگىلىكتەرمەن قامتىپ وتىرعانىن، جاڭا مەكتەپتەر، سپورت جانە ويىن الاڭشالارى سالىپ جاتقانىن اتاپ ءوتتى.
«بارلىقتارىڭدى جاڭاجىل مەرەكەسىمەن قۇتتىقتايمىن! سەندەر ەركىن ەلدىڭ ازاماتىسىڭدار. تاۋەلسىزدىك ارقىلى وتانىمىز قۋاتتى ەلگە اينالۋدا. ەلىمىزدىڭ جارقىن بولاشاعى وزدەرىڭمەن بايلانىستى. سەندەرمەن بىرگە شىمكەنت قالاسى ءوسىپ-وركەندەپ كەلەدى. قالامىزدىڭ باستى بايلىعى – ول تۇرعىندارى. قالامىزعا ارقاشان ءبىلىمدى، بىلىكتى ماماندار كەرەك. سوندىقتان جاقسى وقىڭدار، تالاپتى بولىڭدار. ومىرلەرىڭ تابىستى بولسىن! بولاشاقتارىڭ باياندى بولسىن! جاڭا جىل اربىرىڭە جاقسىلىعىمەن كەلسىن!»،-دەدى م.ايتەنوۆ.
«جارقىرا، جاينا جاڭا جىل – تاۋەلسىز قازاق ەلىندە» تاقىرىبىندا وتكەن مەيرامدا بارلىق بالالارعا سىيلىقتار مەن تاتتىلەر ۇلەستىرىلدى. مەرەكەلىك كەش ەرتەگى كەيىپكەرلەردىڭ قويىلىمىمەن جانە اسەم اۋەنمەن جالعاسىن تاپتى.
1957 جىلى قۇرىلعان مەكەمە 2014 جىلى شىمكەنت قالاسى № 4 بالالار ءۇيى مەكەمەسى بولىپ قايتا تىركەلدى. مۇندا 73 بالا مەملەكەت قامقورلىعىنا الىنىپ، تاربيەلەنۋدە.
شىمكەنت قالاسى اكىمدىگىنىڭ ءباسپاسوز قىزمەتى
