Şymkent qalasynyŋ äkımı Mūrat Äitenov Sairam tūrǧyn alabyndaǧy №4 balalar üiıne arnaiy baryp tärbielenuşıler äzırlegen jaŋajyldyq merekenıŋ qonaǧy boldy. Qala basşysy balalar men tärbieşılerdı kele jatqan Jaŋa jyl merekesımen qūttyqtap, aqjarma tılegın jetkızdı.
Şahar basşysy balalarǧa el Täuelsızdıgı turaly äŋgımelep, memleketımız ärbır azamattyŋ bılımdı, salauatty boluy üşın barlyq igılıktermen qamtyp otyrǧanyn, jaŋa mektepter, sport jäne oiyn alaŋşalary salyp jatqanyn atap öttı.
«Barlyqtaryŋdy Jaŋajyl merekesımen qūttyqtaimyn! Sender erkın eldıŋ azamatysyŋdar. Täuelsızdık arqyly Otanymyz quatty elge ainaluda. Elımızdıŋ jarqyn bolaşaǧy özderıŋmen bailanysty. Sendermen bırge Şymkent qalasy ösıp-örkendep keledı. Qalamyzdyŋ basty bailyǧy – ol tūrǧyndary. Qalamyzǧa ärqaşan bılımdı, bılıktı mamandar kerek. Sondyqtan jaqsy oqyŋdar, talapty bolyŋdar. Ömırlerıŋ tabysty bolsyn! Bolaşaqtaryŋ baiandy bolsyn! Jaŋa jyl ärbırıŋe jaqsylyǧymen kelsın!»,-dedı M.Äitenov.
«Jarqyra, jaina jaŋa jyl – Täuelsız qazaq elınde» taqyrybynda ötken meiramda barlyq balalarǧa syilyqtar men tättıler ülestırıldı. Merekelık keş ertegı keiıpkerlerdıŋ qoiylymymen jäne äsem äuenmen jalǧasyn tapty.
1957 jyly qūrylǧan mekeme 2014 jyly Şymkent qalasy № 4 balalar üiı mekemesı bolyp qaita tırkeldı. Mūnda 73 bala memleket qamqorlyǧyna alynyp, tärbielenude.
Şymkent qalasy äkımdıgınıŋ baspasöz qyzmetı
