Qazaqstan Respublikasynyŋ Bılım jäne Ǧylym ministrlıgınıŋ mälımetınşe, 30-dan astam qazaqstandyq oquşy robototehnikadan FIRST halyqaralyq chempionatynyŋ ūlttyq finalynyŋ qorytyndysy boiynşa AQŞ-qa joldama jeŋıp aldy. Olar älemnıŋ 200 bedeldı universitetınıŋ bırınde oqu üşın grant pen şäkırtaqy aluǧa mümkındık beretın FIRST Alumni märtebesınıŋ iegerlerı.
Jarysqa Qazaqstannyŋ tükpır-tükpırınen 700-den astam oquşy qatysty. Nätijesınde 4 oquşy Suleiman Demirel atyndaǧy universitette oquǧa mümkındık beretın grant ūtyp aldy. Sonymen qatar chempionatqa qatysqan 10 komanda Mäskeu qalasyndaǧy FIRST jarysyna, al Krasnoiarsk qalasyna 6 komanda attanady.
«Biyl qatysuşylar «Jük tasymaly» taqyryby boiynşa tapsyrmalar oryndady. Sondyqtan oquşylar özderı oilap tapqan şaǧyn jükterdı tasymaldaityn, tauarlardy sūryptaityn jäne kedergılerdı ainalyp ötetın robottardy tanystyrdy. Chempionattyŋ qorytyndysy boiynşa tört komanda AQŞ-qa joldama jeŋıp aldy. Sonymen qosa Almaty, Semei jäne Türkıstan oblysynan 4 oquşy bılım granttaryn jeŋıp aldy. Chempionatqa elımızdıŋ şaǧyn auyldary men qalalarynan kelgen mektep oquşylaryn atap ötkım keledı. Būǧan deiın Türkıstan, Qyzylorda jäne Şyǧys Qazaqstan oblystarynda, Aqmola oblysynyŋ Atbasar qalasynda mektep oquşylary men mūǧalımderıne robototehnikadan treningter men jarystar ötkızıp, balalar men oqytuşylardyŋ qyzyǧuşylyǧyn kördık. Olar chempionatqa kelıp, bılım jaǧynan ülken qalalardyŋ oquşylarynan kem tüspeitınıne közderın jetkıze aldy», - dep aitty Qazaqstandaǧy FIRST robototehnika boiynşa halyqaralyq jarysynyŋ ūiymdastyruşysy Nūrdäulet Dosmaǧambet.Oquşylardan bölek, taǧy alty mūǧalım «Best Mentor Award» nominasiiasy boiynşa FIRST marapattaryna ie boldy. Aita keteiık, FIRST QR Bılım jäne ǧylym ministrlıgı oquşylar men mūǧalımderdıŋ qatysuy üşın ūsynǧan olimpiadalar tızımıne engızılgen. Jyl saiyn FIRST jarysynyŋ ūiymdastyruşylary 6 men 18 jas aralyǧyndaǧy balalar arasynda türlı baiqaular ötkızedı. Är saiys taqyryby men tapsyrmalardyŋ kürdelılıgımen erekşelenedı. Tapsyrmalar naqty älemdık mäselelermen bailanysty, atap aitqanda, önerkäsıptı avtomattandyru, tau-ken öndıru, qaldyqtardy öŋdeu, ǧaryşty zertteu, biomedisina jäne basqa da maŋyzdy taqyryptardy qamtidy.
«Adyrna» ūlttyq portaly
Ūqsas jaŋalyqtar
