Aqmola oblysy eldegı jetekşı önerkäsıptık öŋırlerdıŋ bırı retınde öz pozisiiasyn nyǧaitudy jalǧastyruda. Qazırgı taŋda Zerendı audanynda «Qazaq Qaolin» JŞS-nıŋ ırı investisiialyq jobasy – Alekseevka kaolin ken orny bazasynda tau-ken baiytu kombinatynyŋ qūrylysy jüzege asyrylyp jatyr.
Jobanyŋ jalpy qūny 12,5 mlrd teŋgege jettı. Käsıporyn ıske qosylǧannan keiın jylyna kemınde 100 myŋ tonna kaolin öndırudı josparlap otyr. Būl öŋırdıŋ önerkäsıptık äleuetın aitarlyqtai arttyryp, şikızat importyna täueldılıktı azaituǧa mümkındık beredı. Sonymen qatar, 140-tan astam tūraqty jūmys orny aşylady dep kütılude. Būl öz kezegınde Zerendı audanynyŋ damuyna serpın beredı.
Jobanyŋ maŋyzdy jetıstıkterınıŋ bırı – Germaniiadan 2,9 mln euroǧa zamanaui tau-ken baiytu jabdyqtarynyŋ tolyq jetkızıluı boldy. Ötken jyldyŋ tamyz aiynda XUDA Eviro-Tech kompaniiasynan önımdı susyzdandyru, keptıru jäne buyp-tüiuge arnalǧan qosalqy jabdyqtar 1,3 mlrd teŋgege jetkızıldı. Osylaişa, tehnologiialyq jabdyqtau boiynşa kelısımşarttardyŋ jalpy somasy 2,8 mlrd teŋgenı qūrady.
«Kompaniia energetikalyq infraqūrylymdy damytuǧa belsendı investisiia
Joba jergılıktı halyqtyŋ qoldauyna ie boldy. Ötken jyldyŋ qyrküiek aiynda qorşaǧan ortaǧa äserdı baǧalau boiynşa qoǧamdyq tyŋdaular ötkızıldı. Qazırgı uaqytta joba memlekettık saraptamaǧa jıberıldı. Sonymen qatar, qūrylys-montaj jūmystaryn jüzege asyratyn merdıger ūiymdy ırıkteu boiynşa baiqau jürgızılude.
Aita ketu kerek, mūndai auqymdy jobanyŋ jüzege asuy Aqmola oblysynyŋ investisiialyq tartymdylyǧynyŋ joǧary ekenın däleldeidı jäne öŋır ekonomikasynda jaŋa ösım nüktelerın qalyptastyruǧa baǧyttalǧanyn körsetedı.
Jospar boiynşa, resmi merzım 2026 jylǧa şegerılgennen keiın qūrylys jūmystary qarqyn alady. Nätijesınde jaŋa tau-ken baiytu kombinaty öŋır damuynyŋ maŋyzdy draiverıne ainalyp, jergılıktı halyq üşın sapaly jūmys oryndaryn qūruǧa jäne biznestı damytuǧa jol aşady.
