BŪŪ men Özbekstan arasynda qaişylyq tuyndady, dep habarlaidy "Adyrna" ūlttyq portaly Ferǧanaǧa sıltep.
Bırneşe ai būryn BŪŪ Adam qūqyqtary jönındegı keŋesınıŋ Erkınen tys ūstaular jönındegı jūmys toby Gülnär Kärımovanyŋ qamauǧa alynuyn zaŋsyz dep tanyp, būl äreketterdıŋ halyqaralyq adam qūqyqtary standarttaryna sai kelmeitının mälımdedı. Gülnär Kärımova — Özbekstannyŋ tūŋǧyş prezidentı İslam Kärımovtyŋ qyzy.
BŪŪ mälımdemesınde Kärımovanyŋ qūqyǧy öreskel būzylǧany aityldy.
2014 jyly ol resmi ordersız tūtqyndalyp, 18 aidan astam uaqyt üiqamaqta oqşaulanǧan küide ūstaǧan. Aǧaşqy advokatpen kezdesuı ekı jarym jyldan keiın ǧana jüzege asqan. Al alǧaşqy sot tyŋdauy onyŋ üiınıŋ ashanasynda ötıp, qorǧau qūqyǧy tolyq saqtalmaǧan.
BŪŪ mälımdemesınşe, oǧan taǧylǧan aiyptarmen tanysuǧa mümkındık berılmegen, al advokattar qysymǧa ūşyrap, qūpiialyq kelısımderge qol qoiuǧa mäjbür bolǧan. Kärımova bırneşe ret üiqamaq pen tergeu izoliatory arasynda auystyrylyp, būl şeşımderge şaǧymdanu qūqyǧynan aiyrylǧany aityldy.
Jūmys toby būl äreketterdı BŪŪ bırqatar baptarǧa qaişy dep tanydy. Olar Özbekstan ükımetın zaŋsyzdyqtardy joiuǧa, Kärımovaǧa ötemaqy töleuge jäne onyŋ qamauǧa alynu jaǧdailaryn täuelsız
Alaida Özbekstan ükımetı būl qorytyndymen kelıspeitının mälımdedı. Resmi Taşkent BŪŪ jūmys tobynyŋ şeşımı tek bırjaqty aqparatqa süienıp qabyldanǧanyn aityp, öz ūstanymy uaqytynda jıberılgenımen, räsımdık sebeptermen eskerılmegenın aitty.
Özbekstannyŋ aituynşa, barlyq qylmystyq ıster ūlttyq jäne halyqaralyq zaŋnama aiasynda jürgızılgen. Kärımova advokattarǧa qol jetkızgen, şeşımderge şaǧymdanuǧa qūqyǧy bolǧan, sot prosesterı ädıl ötken.
Özbekstan ıs saiasi astardan ada, al ükımder naqty dälelderge negızdelgenın aitty.
Bilık Kärımovany salyqtan jaltaru, memleket qarjysyn jymqyru, alaiaqtyq jäne zaŋsyz bailyqty zaŋdastyru siiaqty auyr qylmystar jasaǧany üşın aiyptaǧanyn eske saldy. Sonymen qatar, 2022 jyly Şveisariiamen kelısım negızınde onyŋ zaŋsyz jolmen alynǧan aktivterı arqyly qūrylǧan Vision 2030 qory — BŪŪ arqyly eldegı reformalar men tūraqty damu maqsattaryn qoldauǧa baǧyttalǧanyn atap öttı.
Qazırgı taŋda Gülnär Karımova Taşkent maŋyndaǧy koloniiada jazasyn ötep jatyr. Özbek ükımetı BŪŪ qūrylymdarymen dialogqa aşyq ekenın bıldırıp, ūlttyq bedelın qorǧau jäne şynaiy aqparatty halyqaralyq qauymdastyqqa jetkızu qūqyǧyn saqtap qalatynyn mälımdedı.
