QMDB qajylyqtan bas tartqan 94 jastaǧy Pavlodar tūrǧyny, tyl ardagerıne qajylyqqa joldama berdı, dep habarlaidy "Adyrna" ūlttyq portaly.
Saǧadat Jūmabaev ömır boiy qajylyqqa baru üşın jinaǧan qarajatyn syrqat bala tärbielep otyrǧan analarǧa taratyp bergenı üşın Qazaqstan mūsylmandary dıni basqarmasynyŋ (QMDB) arnaiy joldamasyna ie boldy.
Aqsaqal 13 jyldan berı Pavlodardaǧy qarttar üiınde tūrady. Ol 3,6 million teŋgenı 30 anaǧa bölıp, ärqaisysyna 120 myŋ teŋgeden kömek körsetken. Mekke saparyna joldamany Saǧadat ataǧa Pavlodar oblysynyŋ bas imamy Joldas Qospaqūly arnaiy tabystady.
Saǧadat Jūmabaev qajylyqqa baruǧa köp jyl daiyndalyp, 2022 jyly şetelge şyǧu üşın tölqūjat ta alǧan.
Alaida sol jyly engızılgen 65 jas şekteuıne bailanysty qajylyqqa bara almai qalǧan. Keiın densaulyǧy naşarlap, ūzaq
«Ana jaqqa baru üşın janymda serık bolu kerek dedı. Jasym da kelıp qaldy, densaulyǧym da syr bere bastady. Sodan keiın būl aqşany şyn mūqtaj jandarǧa berudı jön sanadym», – deidı aqsaqal.
Jūbaiymen ūzaq jyl otasqanymen, balalary bolmaǧan. Qazır ol qarttar üiınde jalǧyz özı tūrady. Saǧadat ata Jeŋıstıŋ 80 jyldyǧyna bailanysty tyl ardagerlerıne bırjolǧy tölem ala almaǧanyna qynjyldy.
«Bız de Jeŋıske üles qostyq. Memlekettıŋ qamqorlyǧyndamyz dep bızdı elemeu dūrys emes», – dedı ol.
Aita keteiık, eŋbek jolyn şöp şabuşydan bastap, qoima meŋgeruşısı men zauyt şeberıne deiın türlı qyzmet atqarǧan Saǧadat Jūmabaev 1988 jyly zeinetke şyqqan.
