Qazaqstan Respublikasynyŋ Prezidentı Qasym-Jomart Toqaevtyŋ tapsyrmasy boiynşa Almaty qalasynyŋ äkımı Darhan Satybaldy megapolistıŋ mädeniet jäne eŋbek ūjymdarynyŋ körnektı ökılderıne memlekettık nagradalardy tabys ettı.
«Otan» ordenımen otandyq ädebiettı damytuǧa, ruhani qūndylyqtardy saqtauǧa jäne qazaq mädenietın ılgerıletuge qosqan zor ülesı üşın belgılı qazaqstandyq jazuşy Tynymbai Nūrmaǧanbetov marapattaldy. Saltanatty räsım 2025 jyly elımızde jariialanǧan Jūmysşy mamandyqtar jyly aiasynda öttı.
Tynymbai Nūrmaǧanbetovtı qūttyqtai otyryp, Almaty äkımı jazuşyǧa köp jylǧy ädebi qyzmetı, ūlttyq ideiaǧa adaldyǧy jäne Qazaqstannyŋ ruhani mūrasyn damytuǧa qosqan eleulı ülesı üşın alǧys bıldırdı.
Tynymbai Nūrmaǧanbetūly Nūrmaǧanbetov - qazırgı qazaq prozasynyŋ jarqyn ökılderınıŋ bırı, eŋbek ardagerı. 1945 jyly Qyzylorda oblysy Jaŋaqorǧan audanynda düniege kelgen. N. V. Gogol atyndaǧy Qyzylorda pedagogikalyq institutynyŋ filologiia fakultetın, sondai-aq, Mäskeudegı M. Gorkii atyndaǧy Ädebiet institutynyŋ janyndaǧy Joǧary ädebi kurstardy bıtırgen.
Jarty ǧasyrdan astam şyǧarmaşylyq qyzmet barysynda jazuşy onnan astam jinaq şyǧardy, onyŋ ışınde «Qauyn iısı», «Qoş bol, ata», «Qarlyǧaştyŋ ūiasy», «Tūnyq su», «Aiqai» jäne basqalary bar. Jazuşy şyǧarmalary ırı odaqtas baspalarda jaryq kördı, orys jäne basqa da bırqatar tılge audaryldy. Al onyŋ pesalary
Qazaqstannyŋ quyrşaq teatry Fransiiadaǧy «Off avignon» festivalınde Europa körermenderın tamsandyrdy
M. Gorkii atyndaǧy Bükılodaqtyq jastar syilyǧynyŋ jäne Qazaqstan Respublikasynyŋ Abai atyndaǧy ädebiet jäne öner salasyndaǧy Memlekettık syilyǧynyŋ laureaty, «Qūrmet» ordenınıŋ iegerı Tynymbai Nūrmaǧanbetov qazaq mädenietın baiytuǧa jäne qoǧamnyŋ ruhani damuyna baǧa jetpes üles qosty.
Sonymen qatar Memleket basşysynyŋ tapsyrmasy boiynşa Ahanaev Dönesbai Ötepbaiūly marapattaldy. Ol - «Almaty Su» MKK Türksıb audandyq paidalanu uchaskesınıŋ slesarı.
Käsıporynda jūmys ıstegen kezden berı Dönesbai Ötepbaiūly özın käsıbi bılıktı, eŋbekqor, jauapty jäne ısker qyzmetker retınde körsettı. Apatty uchaskelerge jedel baryp, şūǧyl jäne ūtymdy şeşımderdı dereu qabyldau qabıletımen erekşelenedı.
«Almaty Su» MKK Jetısu audandyq paidalanu uchaskesınıŋ slesarı Litvinov Dmitrii Aleksandrovich te «Eren eŋbegı üşın» medalımen marapattaldy. Dmitrii Aleksandrovich özınıŋ kündelıktı qajyrly eŋbegı arqyly Almaty qalasynyŋ su qūbyry jelılerınıŋ üzdıksız jūmys ısteuın qamtamasyz etuge eleulı üles qosyp keledı. Sonyŋ arqasynda şahardyŋ on myŋnan asatyn tūrǧyny sapaly jäne tūraqty auyz sumen qamtamasyz etılude.
Memlekettık marapattar köp jylǧy adal eŋbek, joǧary käsıbilık, qala şaruaşylyǧynyŋ damuyna qosqan eleulı üles üşın tabystaldy.
