Prezident Qasym-Jomart Toqaevtyŋ 2025 jylǧa deiın 2 milliard aǧaş otyrǧyzu jönındegı tapsyrmasynyŋ oryndalu merzımı 2027 jylǧa şegerıldı. Ekologiia jäne tabiǧi resurstar ministrı Erlan Nysanbaev Jibek Joly arnasyna bergen sūhbatynda prezident tapsyrmasy ne sebeptı uaqtyly oryndalmaǧanyn aitty, dep habarlaidy «Adyrna» tılşısı QazAqparatqa sılteme jasap.
Ministr aǧaş otyrǧyzudyŋ bırneşe kezeŋnen tūratyn kürdelı üderıs ekenın atap öttı. Aituynşa, būl ıske jospar qūru, tūqym daiyndap, ony saqtau, jerdı öŋdeu, köşet otyrǧyzu jäne keiıngı kütım jūmystary kıredı.
Byltyr memlekettık orman qoryna 1 milliard 150 million köşet materialy egılgen. Tapsyrmanyŋ tolyq kölemde oryndamauyna jergılıktı äkımdıkterdıŋ jetkılıktı deŋgeide aqşa bölmeuı äser etken.
«Memleket basşysynyŋ tapsyrmasyn tolyq kölemde oryndamauyna keler bolsaq, basty sebep – jergılıktı atqaruşy organdar tarapynan qarjylandyrudyŋ bolmauy. Basa aitqym keletını, memlekettık orman qorynyŋ 80 paiyzy äkımdıkterdıŋ qarauynda. Olar tūqym jinaudan bastap barlyq satyǧa jauapty. Oǧan qosa
Ministrdıŋ sözınşe, Prezident tapsyramasyna deiın jylyna 50-55 myŋ gektar alqapqa aǧaş otyrǧyzylyp kelgen, qazır kölem ekı eseden astam ūlǧaidy. Säikesınşe, traktor, aǧaş otyrǧyzu tehnikalary men jūmysşy sanyn arttyru kerek. Tūqym kölemı de 500 tonnadan 1250 tonnaǧa deiın ösken.
«Tūqymsyz köşet alu mümkın emes, al tehnikasyz mūndai kölemdegı tūqymdy egu turaly sözdıŋ özı artyq. Atalǧan baǧyttaǧy jūmystar avtomattandyrylmaǧan, bärıne jūmys küşı, tehnika kerek ekenı tüsınıktı. Älem elderı de osy jolmen kele jatyr»,- dep atap öttı Erlan Nysanbaev.
Aituynşa, 2021-2023 jyldary josparlanǧan jūmystyŋ 70-75 paiyzy oryndaldy. Qalǧan bölıgı 2026-2027 jyldarǧa şegerıldı. 2023 jyldan bastap ministrlık tūqym jinau mäselesın qataŋ baqylauǧa aldy. 10 tamyzǧa deiın aldaǧy ekı jylǧa arnalǧan köşet ösıru boiynşa baiandama jasalady.
