Qazaqstannyŋ eŋbek sıŋırgen qairatkerı, teatr jäne kino akterı, Qaraǧandy öner ordasynyŋ maqtanyşy Qairat Kemalov 69 jasynda dünieden ozdy, dep habarlaidy "Adyrna" ūlttyq portaly.
Būl qaraly habardy Qaraǧandy oblysynyŋ äkımı Ermaǧanbet Bölekpaev özınıŋ Instagram paraqşasynda mälımdedı.
«69 jasqa qaraǧan şaǧynda Qazaqstannyŋ eŋbek sıŋırgen qairatkerı, körnektı akter Qairat Kemalov ömırden öttı. Ol bükıl sanaly ǧūmyryn teatr salasyna arnady. Qairat Kemalovtyŋ önerdegı mansaby Qaraǧandyda bastalǧan edı. Onyŋ önerdegı jetıstıkterı halyqaralyq därejede joǧary baǧalanyp, türlı marapattarǧa ie boldy. Ol tarihi obrazdardy
somdauda akterlık şeberlıgımen tanyldy», – dep jazdy öŋır basşysy.
Kemalovtyŋ «Er Töstık», «Abai», «Qaragöz», «Qozy Körpeş – Baian sūlu» sekıldı ūlttyq qoiylymdardaǧy basty röldermen el esınde qaldy.
Ärıptesterı men şäkırtterı ony käsıbi, sabyrly, parasatty adam retınde eske alady.
«Ol şeberlıgı, mamandyqqa degen ülken adaldyǧy arqasynda otandyq teatr jäne kino tarihynda tereŋ ız qaldyrdy. Qairat Kemalovtyŋ jarqyn beinesı ärıptesterınıŋ, şäkırtterı men dostarynyŋ, körermenderdıŋ jüregınde mäŋgı qalady», – dedı Ermaǧanbet Bölekpaev.
