21 şılde - «Alaş» partiiasyn qūru şeşımı qabyldanǧan qūryltai bastalǧan kün, dep habarlaidy "Adyrna" tılşısı.
Osydan 108 jyl būryn Orynborda I jalpyqazaq sezı öttı. Oǧan Oǧan Aqmola, Torǧai, Oral, Syrdariia, Jetısu, Ferǧana oblystarynan jäne Bökei ordasynan 20-ǧa juyq ökıl qatysty.
Sezge Halel Dosmūhamedov töraǧalyq ettı. Ahmet Baitūrsynov töraǧanyŋ serıktesı, Mırjaqyp Dulatov pen Asylbek Seiıtov hatşylary bolyp bekıtıldı.
Sezge jinalǧandar sol kezeŋdegı qazaq qoǧamy üşın asa maŋyzdy degen 14 mäselenı talqylauǧa ūsyndy. Sonyŋ ışındegı eŋ bastysy «Alaş» partiiasyn qūru turaly şeşım boldy. Sezd qabyldaǧan qaulyǧa säikes, qūrylatyn būl partiia demokratiialyq qaǧidattarǧa negızdelgen, parlamenttık jüienı ūstanatyn, qazaq halqynyŋ ūlttyq müddesın qorǧaudy maqsat etken saiasi ūiym boluǧa tiıs edı.
Partiiany qūru ısı Älihan Bökeihannyŋ jetekşılıgımen bastalyp, aldymen onyŋ aimaqtyq bölımşelerı ūiymdastyryla bastady. Bökei ordasynan bastap Jetısu, Ferǧana men Ämudariia aimaǧyndaǧy qazaq uezderı, Kaspii maŋy men Altai guberniiasyna qarasty öŋırler tügeldei qazaq-qyrǧyz avtonomiiasynyŋ qūramyna engızıldı.
Partiianyŋ baǧdarlamalyq jobasy 1917 jyly «Qazaq» gazetınde jariialanyp, halyqqa tanystyryldy.
Osylaişa, täuelsızdık pen bostandyq ideiasy ūlt üşın maŋyzdy qadamdarǧa jol aşyp, jaŋa däuırdegı memlekettılıktıŋ negızın qalady. Ǧasyrǧa juyq uaqyt ötse de, Qazaqstan Alaş ardagerlerınıŋ armanyna adaldyq tanytyp, el damuy men kemel bolaşaq jolynda senımdı türde alǧa basyp keledı.
