Aqtöbede meşıt ışınde qyzǧa «bırrettık neke» ūsynyp, ädepsız sözder aitqan er adam ūstaldy, dep habarlaidy «Adyrna» tılşısı.
Oqiǧa 25 şılde künı «Nūr Ǧasyr» meşıtınde bolǧan. Belgısız er adam qyzdyŋ jolyn bögep, onyŋ meşıtten şyǧuyna kedergı jasaǧan. Atalǧan oqiǧa videoǧa tüsırılıp, äleumettık jelılerde jariialandy.
Aqtöbe oblysy polisiia departamentı qyzmetkerlerı jürgızgen jedel-ızdestıru şaralary nätijesınde er adamnyŋ jeke basy anyqtaldy. Män-jaidy anyqtau üşın ol ışkı ıster organdaryna jetkızıldı.
«Qūqyqbūzuşymen profilaktikalyq äŋgıme jürgızıldı. Oǧan mūndai äreketterge jol bermeu kerektıgı jönınde qoldanystaǧy zaŋnama talaptary tüsındırıldı. Sonymen qatar QR ÄQBtK-nıŋ 449-baby 2-bölıgıne (Qoǧamdyq orynda tiısu) säikes äkımşılık hattama toltyryldy. Material sotqa jıberıletın bolady»,—dep tüsındırdı IIM baspasöz qyzmetı.
Eske salaiyq, būǧan deiın aqtöbelık bloger Emmanuella Nauryzbaeva meşıtte qolaisyz jaǧdaiǧa tap bolǧanyn aitqan edı.
