Almatynyŋ Medeu audanyndaǧy «Geolog» baǧbandyq serıktestıgınıŋ aumaǧynda ırı ört şyqty, dep habarlaidy "Adyrna" ūlttyq portaly QazAqparatqa sıltep.
Būl turaly qalalyq Tötenşe jaǧdailar departamentı habarlady.
Vedomstvo mälımetınşe, oqiǧa ornyna jetken ört söndıruşıler ekı ǧimarattyŋ, üş jeŋıl avtokölıktıŋ jäne qūrylys qaldyqtarynyŋ janyp jatqanyn anyqtaǧan. Qyzmetkerler dereu ört söndıru stanoktaryn ıske qosyp, qyzyl jalyndy auyzdyqtauǧa kırısken.
«Örttıŋ ärı qarai taraluyna jol bermeu üşın barlyq qajettı şaralar qabyldandy. Su üzdıksız jetkızılıp, qyzmetterdıŋ özara ärekettestıgı ūiymdastyryldy», – delıngen resmi habarlamada.
TJM küşterı örttı oqşaulap ülgerdı. Qazırgı uaqytta ony tolyq söndıru jūmystary jürıp jatyr.
Oqiǧa kezınde 1949 jyly tuǧan er adam medisinalyq kömekke jügındı. Jedel järdem brigadasy alǧaşqy kömekten keiın ony №4 qalalyq klinikalyq auruhanaǧa jetkızdı.
