Qazaqstannyŋ Bas prokuraturasy (BP) maŋyzdy mälımdeme jasady. Qūzyrly organ dabyl qaǧyp, alaiaqtar taktikasyn özgertıp jatqanyn eskertedı. Būl turaly Bas prokuraturanyŋ Telegram arnasynda jazyldy, dep habarlaidy "Adyrna".
"Qazaqstan Respublikasy Bas prokuraturasy Qūqyqtyq statistika jäne arnaiy esepke alu jönındegı komitetınıŋ (būdan ärı Komitet) Qylmystyq qauıp-qaterdıŋ jäne qoǧamdyq qauıpsızdıktıŋ täuekelderın boljau ortalyǧy internet-alaiaqtyqtyŋ jaŋa türı turaly eskertedı", delıngen habarlamada.
Şeteldık derekközderdıŋ mälımetterı boiynşa, alaiaqtar jaŋa şabuyl tolqynyn ıske qosyp, jetkızu qyzmetterı, basqaruşy kompaniialar jäne bankter atynan hattar men SMS-habarlamalar jıberude. "Avtorizasiiadaǧy qate", "domofondy auystyru" nemese "eseptegışterdı tekseru" degen syltaumen qaskünemder azamattardy olardyŋ özderın qaita qoŋyrau şaluǧa mäjbürleidı.
Nätijesınde, eşteŋeden küdıktenbeitın tūrǧyndar kiberalaiaqtarǧa äleumettık injeneriia qūraldaryn qoldanuǧa jaǧdai jasaidy.
Būl rette mynalar ūsynylady:
- saqtyq tanytyp, beimälım kırıs hat-habarlar men qoŋyraularǧa syni közqaraspen qarau;
- ūiymdardyŋ resmi saittarynda körsetılgen telefon nömırlerıne ǧana qaita qoŋyrau şalu;
- ekı faktorly autentifikasiiany paidalanu;
- bank kartalarynyŋ derekterın, SMS arqyly keletın bır rettık kodtardy jäne özge de qūpiia aqparatty üşınşı tūlǧalarǧa bermeu
