Özbekstan prezidentı Şavkat Mirziioev 8 jeltoqsanda atap ötıletın Konstitusiia künıne orai 615 adamǧa keşırım jasau turaly jarlyqqa qol qoidy. Qūjat memleket basşysynyŋ resmi saitynda jariialandy, dep habarlaidy “Adyrna”.
Jarlyqta atap ötılgendei, keşırım alǧandar — jasaǧan ısıne şyn jürekten ökınıp, tüzelu jolyna tüskenı anyqtalǧan azamattar. Olardyŋ ışınde 220 adam tolyqtai jazadan bosatyldy. Taǧy 123 adam şartty türde merzımınen būryn jazasyn ötemeuge mümkındık alady. Sonymen qatar 97 sottaluşyǧa qoldanylǧan būltartpau şarasy jeŋıldetılse, 175 adamnyŋ bas bostandyǧynan aiyru merzımı qysqartyldy.
Keşırımge ılıkkenderdıŋ qatarynda 9 şetel azamaty, 29 äiel, 23 er adam, 30 jasqa deiıngı 264 jas jäne tyiym salynǧan ūiymdardyŋ toǧyz qatysuşysy bar.
Jarlyqqa säikes, memlekettık organdarǧa keşırım jasalǧan azamattardyŋ otbasyna oraluyna, qoǧamǧa beiımdeluıne, jūmysqa ornalasuyna jäne salauatty ömır saltyn ūstanuyna jaǧdai jasau jönınde arnaiy tapsyrmalar berıldı.
Būl qadam Özbekstanda jyl saiyn Konstitusiia künı qarsaŋynda jürgızıletın gumanitarlyq şaralardyŋ jalǧasy.
