Almatyda LGBT nasihatyna tyiym salatyn zaŋdy qoldau boiynşa konferensiia öttı. Is-şaraǧa qūqyq qorǧauşylar, zaŋgerler men qoǧam belsendılerı qatysty.
Qūqyq qorǧauşy Baǧila Baltabaevanyŋ aituynşa, zaŋ jobasy LGBT ökılderınıŋ qūqyqtaryna nūqsan keltırudı közdemeidı, kerısınşe, öskeleŋ ūrpaqtyŋ sanasyna terıs äser etetın aqparat pen kontentten balalarymyzdy qorǧauǧa baǧyttalǧan.
«Zaŋ normalaryn pysyqtau kezınde bır jyl boiy arnaiy zertteu jürgızıldı. Onyŋ nätijesı halyqtyŋ 85%-y LGBT nasihatyna qarsy ekenın körsettı. Kez-kelgen memleket özınıŋ ūlttyq jäne otbasylyq qūndylyqtaryn qorǧauy kerek. Būl zaŋ halyqaralyq normalarǧa qaişy kelmeidı», – deidı Baltabaeva.
Öz kezegınde zaŋger Baǧdat Amandosūly būl zaŋ jobasy Qazaqstannyŋ ūlttyq qauıpsızdıgı mäselesımen tıkelei bailanysty ekenın atap öttı.
«Būl zaŋ jobasy bızdıŋ müddelerımızge säikes keledı jäne ūlttyq qūndylyqtardy qorǧauǧa baǧyttalǧan», – dedı ol.
Konferensiiaǧa qatysuşylar jahandanu däuırınde balalar üşın negızgı aqparat közı internet ekenın atap öttı. Zertteuler körsetkendei, qazaqstandyq jasöspırımder köbıne jasyna säikes kelmeitın 18+ kontentke tap bolady eken.
«Otbasy – qoǧamnyŋ ırgetasy. Däl qazır qoǧamdaǧy otbasy institutyn nyǧaitu asa maŋyzdy, al LGBT nasihaty bızdıŋ halqymyzdyŋ qūndylyqtary üşın qauıptı. Memleket qarqyndy damyp keledı, qoǧam äldeqaida sanaly bola bastady. Ata-analar balalary üşın jaqsy ömırdı qalaityny belgılı. Tärbie otbasynan bastalady, dästürlı qūndylyqtardy ūrpaqtan – ūrpaqqa beru maŋyzdy», – dep atap öttı «Altyn Alqa» medalınıŋ iegerı, «Qazaq analary – dästürge jol» RQŪ Almaty filialynyŋ basşysy Läilä Däulet.
Qatysuşylardyŋ pıkırınşe, qazır Qazaqstanda balalardy ziiandy aqparattan qorǧauǧa baǧyttalǧan zaŋdar bar, alaida «LGBT-nı nasihattau» ūǧymy naqty anyqtalmaǧan. Ūsynylǧan tüzetuler būl olqylyqtyŋ ornyn toltyryp, barlyq salalyq zaŋdarda bırkelkı normalardyŋ boluyn qamtamasyz etedı.
Esterıŋızge sala keteiık, byltyr Qazaqstanda «LGBT nasihatyna» tyiym saludy talap etetın petisiia jariialanyp, şeşım qabyldauǧa qajettı 50 myŋ qol jinalǧan bolatyn. Osydan keiın zaŋ şyǧaruşy organnyŋ deputattary LGBT nasihatyna tyiym salu turaly bastama köterdı. Biyl 12 qaraşada Parlament Mäjılısı ekınşı oqylymda būl zaŋdy maqūldady. Endı ony Senat qaraityn bolady.
