Almaty oblysynda halyqaralyq Alatau Investment Forum 2025 öttı. Forumǧa körşı memleketterden 300-den astam investor men biznes ökılı qatysyp, nätijesınde jalpy qūny 776 mlrd teŋgeden asatyn 16 memorandumǧa qol qoiyldy. Būl öŋırdıŋ Qazaqstandaǧy jetekşı investisiialyq ortalyqtardyŋ bırı ekenın taǧy däleldedı.
Jiynda oblystyŋ bos öndırıstık aimaqtary, industrialdy zonalary, logistikalyq habtary jäne ırı jobalardy qabyldauǧa daiyn infraqūrylymdyq mümkındıkterı tanystyryldy. Qatysuşylarǧa önerkäsıp, auyl şaruaşylyǧy, qaita öŋdeu jäne turizm baǧyttary boiynşa ūsynystar jasaldy.
Forumdy aşqan Almaty oblysynyŋ äkımı Marat Sūltanǧaziev öŋırde investorlarǧa qolaily jaŋa ekonomikalyq kezeŋ bastalǧanyn atap öttı. Onyŋ aituynşa, oblystyŋ aşyqtyǧy men investisiia tartuǧa daiyn boluy — naqty qoldaumen bekıtılgen strategiialyq baǧyt. Äkım öŋırdıŋ qarqyndy damyp jatqanyn, zamanaui infraqūrylym, 7 jūmys ıstep tūrǧan jäne 9 qūrylu kezeŋındegı industrialdy aimaq, logistikalyq parkter, GChP tetıkterı jäne «Bır tereze» formatyndaǧy sifrlyq servister ıske qosylǧanyn aitty.
«Bügınde investorlardyŋ senımı naqty sandarmen körınıs tabuda. Bız jalpy qūny 6,2 trln teŋgenı qūraityn 216 jobany baqylauda ūstap otyrmyz. Olardyŋ jüzege asuy 80 myŋnan astam tūraqty jūmys ornyn qūruǧa mümkındık beredı. 72 joba şeteldık kapitaldyŋ qatysuymen ıske asuda, qūny — 3,9 trln teŋge. Būl — halyqaralyq kompaniialardyŋ oblysty ūzaq merzımdı damu alaŋy retınde taŋdauynyŋ aiqyn dälelı», — dedı Marat Sūltanǧaziev.
Forum qorytyndysynda jalpy qūny 776 mlrd teŋgeden asatyn 16 memorandumǧa qol qoiyldy. Qūjattar önerkäsıp, agrosektor, logistika, energetika jäne turizm baǧyttaryn qamtidy. Kelısımder aiasynda halyqaralyq qūrylys kompaniiasynyŋ jobasy, LED-ekrandar öndırısı, traktor şyǧaratyn zauyt, ırı industrialdy-logistikalyq keşen jäne zamanaui köterme-taratu ortalyǧy ıske asyrylmaq.
Būl kelısımder öŋır ekonomikasyn jaŋǧyrtatyn naqty investisiialyq şeşımder bolyp sanalady. Jaŋa öndırıster aşylyp, qaita öŋdeu salasy küşeiedı, auyl şaruaşylyǧy jaŋaryp, turizm infraqūrylymy damidy, energetikalyq jobalarǧa serpın berıledı.
Forumǧa Qytai Halyq Respublikasynyŋ Sindao qalasy äkımınıŋ orynbasary Gao Szian, ortalyq memlekettık organdardyŋ ökılderı, halyqaralyq korporasiialar men ırı investorlar qatysty. Gao Szian Almaty oblysymen ärıptestıktı keŋeituge ülken mümkındık baryn aityp, Sindaonyŋ Qytaidaǧy ırı porttyq, öndırıstık jäne logistikalyq ortalyqtardyŋ bırı ekenın eske saldy. Onyŋ aituynşa, ekı öŋırdıŋ artyqşylyqtary bırın-bırı tolyqtyryp, avtomobil jasau, joǧary tehnologiialyq jabdyq, jasyl energetika, biomedisina, sauda jäne logistika salalarynda bırlesken jobalarǧa jol aşady.
«Almaty oblysymen yntymaqtastyq bırneşe perspektivaly baǧytty qamtidy. Bız bırge jaŋa öndırıster aşyp, zamanaui tehnologiialar engızıp, kölık dälızderınıŋ tiımdılıgın arttyra alamyz», — dedı ol.
Soŋǧy jyldary Almaty oblysy investisiialyq ösımdı tūraqty körsetıp keledı: 2022 jyly — 614 mlrd teŋge, 2024 jyly — 1 trln teŋgeden joǧary, al 2025 jyldyŋ 10 aiynda 834 mlrd teŋge igerılıp, fizikalyq kölem indeksı 116% boldy. Jyl soŋyna deiın investisiia kölemın 1,3 trln teŋgege jetkızu josparlanyp otyr.
Öŋırde soŋǧy jyldary bırneşe ırı nysan ıske qosyldy: «Focus Logistics» logistikalyq parkı, «Altyn Taǧa» beton zauyty, «LC Waikiki» köterme ortalyǧy, «KegenMiasProm» et kombinaty, «Şin-Lain» balmūzdaq fabrikasy jäne keŋeitılgen «Qapşaǧai Bidai Önımderı» agrokompleksı. Jyl soŋyna deiın «MP Solution», «Kusto Logistics», «Euraziialyq logistikalyq park», «Imagine Apple Logistics» siiaqty A klasyndaǧy jaŋa logistikalyq keşender paidalanuǧa berıledı. Sonyŋ arqasynda öŋırdıŋ zamanaui logistikalyq quaty 16 esege ösıp, 7 myŋnan 111 myŋ şarşy metrge deiın ūlǧaidy.
Tamaq önerkäsıbınde eksportqa baǧyttalǧan öndırıster de küşeiude: «Galanz Bottlers», «QAZAQ GLOBAL FOOD» jäne «Prima Qūs» sonyŋ dälelı. Barlyq ıske asyp jatqan jobalar men forum aiasynda jasalǧan kelısımder Almaty oblysynyŋ investisiialyq kartasyn jaŋa deŋgeige şyǧaryp, öŋırdı el ekonomikasynyŋ negızgı draiverlerınıŋ bırıne ainaldyryp otyr.
