Aqmola oblysynda därıgerge balaǧat söz aitqan er adamǧa qatysty äkımşılık jaza qoldanyldy. Būl turaly öŋırlık sottyŋ baspasöz qyzmetı mälımdedı, dep habarlaidy "Adyrna".
Oqiǧa audandyq auruhananyŋ dälızınde bolǧan. Mas küidegı er adam özge pasientter men balalardyŋ közınşe aiqailap, beiädep sözder aitqan. Därıger-hirurg oǧan tynyştaludy sūrap eskertu jasaǧan kezde, er adam kerısınşe, medisinalyq qyzmetkerdı balaǧattap, qoǧamdyq tärtıptı odan ärı būzǧan.
Sotta er adamnyŋ kınäsın tolyq moiyndauy jäne tūraqty jūmys ornynyŋ bolmauy jeŋıldetetın män-jai retınde eskerıldı. Al onyŋ masaŋ küide bolǧany jauapkerşılıktı auyrlatatyn jaǧdai retınde tırkeldı.
Nätijesınde sot oǧan bes täulık äkımşılık qamau jazasyn taǧaiyndap, alkogol qoldanuǧa tolyq tyiym saldy.
