Memleket basşysy Qasym-Jomart Toqaev Halyqaralyq beibıtşılık jäne senım jylyna, Halyqaralyq beitaraptyq künı men Türkımenstannyŋ tūraqty beitaraptyǧynyŋ 30 jyldyǧyna arnalǧan forumǧa qatysty. Būl turaly bügın, 12 jeltoqsanda Aqordanyŋ baspasöz qyzmetı aitty, dep habarlaidy «Adyrna» tılşısı.
Prezident Türkımenstannyŋ beitarap saiasi ūstanymy türıkmen halqynyŋ san ǧasyrlyq mädeni dästürımen jäne ruhani qūndylyqtarymen üilesetının aitty.
«Türkımen klassikalyq ädebietınıŋ negızın qalauşy, Şyǧystyŋ körnektı oişyly Maqtymqūly Pyraǧy: «Tynyştyq bolsa el ösedı, ädıldık bolsa senım küşeiedı» degen. Ūly danyşpannyŋ dünienı tereŋ tanyǧan ideialary qazırgıdei almaǧaiyp halyqaralyq jaǧdaida da öte özektı bola tüskenı sözsız»,- dedı Qasym-Jomart Toqaev.
Ol forumda Auǧanstanǧa kömek körsetudı jalǧastyru qajet dep esepteitının jetkızdı.
«Almatydaǧy Ortalyq Aziia men Auǧanstanǧa arnalǧan ornyqty damu maqsattary jönındegı BŪŪ öŋırlık ortalyǧy osy baǧyttaǧy yntymaqtastyqty üilestıretın maŋyzdy platformaǧa ainaldy. Tūraqtylyq pen qauıpsızdıktı nyǧaituda Aziiadaǧy özara ıs-qimyl senım şaralary jönındegı keŋes maŋyzdy röl atqarady. Būl forum özınıŋ saiasi tūrǧydan özektılıgın däleldedı. Osyǧan orai AÖSŞK qyzmetıne, sonyŋ ışınde forumdy tolyqqandy halyqaralyq institutqa ainaldyruǧa qoldau körsetkenı üşın serıktesterımızge alǧys aitamyz»,– dedı memleket basşysy.
