Qyrǧyzstandyq äiel «jol aşamyn» degen balgerdıŋ keŋesıne senıp, ziratqa 43 myŋ AQŞ dollaryn kömıp tastaǧan, dep habarlaidy «Adyrna» tılşısı.
Bırınşı mai audandyq IIB baspasöz qyzmetınıŋ mälımetınşe, polisiiaǧa O.G. esımdı äiel aryzdanǧan. Ol küdıktınıŋ biylǧy jyldyŋ mamyr aiynan qazan aiyna deiın «bizneste jol aşyp beremın» degen syltaumen qomaqty qarjysyn alyp ketkenın mälımdedı.
IIB mälımetınşe, ūstalǧan äiel özın «emşı» retınde tanystyryp, azamattardyŋ senımıne kırgen. Ol türlı salada «jol aşyp beremın» dep uäde berıp, būl üşın aqşalai syiaqy talap etken. «Räsımder» kezınde aqşany zirattarǧa qaldyrudy sūrap, jıp, ine jäne basqa da türlı zattardy paidalanǧan.
Atalǧan derek boiynşa «Alaiaqtyq» babymen qylmystyq ıs qozǧalǧan. 25 jastaǧy küdıktı Bışkek qalalyq IIB uaqytşa ūstau izoliatoryna qamaldy.
