Almatyda 1986 jylǧy Jeltoqsan qūrbandaryna arnalǧan eske alu jiyndary öttı. Is-şaraǧa jeltoqsan qatysuşylarymen bırge qala basşylyǧy, ziialy qauym ökılderı jäne qala tūrǧyndary qatysty.
Is-şara barysynda täuelsızdık jolynda janyn qiǧan jandardyŋ ruhyna taǧzym jasalyp, qūran baǧyştaldy, sondai aq eskertkış aldyna gül şoqtary qoiyldy. Sonymen qatar, qala audandarynda arnaiy as berılıp, Jeltoqsan qatysuşylaryna qūrmet körsetıldı.
Jeltoqsanşy, «1986 jyl. Jeltoqsan» qoǧamdyq bırlestıgınıŋ töraǧasy Baqyt Bainiiaz täuelsızdık - sol kezdegı jastardyŋ basty armany bolǧanyn atap öttı.
– Jeltoqsannyŋ basty maqsaty oryndaldy – elımız täuelsızdık aldy. Qazır bız derbes memleketpız. Bızdıŋ qoǧamdyq bırlestıktıŋ tösbelgısınde Jeltoqsan künı men sol tarihi jyl beinelengen. Ondaǧy maqsatymyz – būl oqiǧanyŋ ūmytylmauy, jastarǧa ülgı boluy. Bız üşın eŋ qymbat qūndylyq – täuelsızdık,- dep qorytty ol.
Būl tarihymyzdaǧy täuelsızdıkke bastar joldaǧy maŋyzdy kezeŋderdıŋ bırı. Mūndai taǧzym ıs-şaralary ūlt jadyn jaŋǧyrtyp, jas ūrpaqqa tarihi sabaqtastyqty nasihattaidy.
