Özbekstannyŋ Konstitusiialyq sotynda sot otyrystaryna onlain qatysu mümkındıgın engızu men tıkelei transliasiialar jürgızu josparlanyp otyr. Būl turaly el prezidentınıŋ baspasöz qyzmetı jazdy, dep habarlaidy «Adyrna» tılşısı.
Atalǧan ūsynystar 17 jeltoqsanda memleket basşysy Şavkat Mirziioevke tanystyrylǧan. Şeneunıkter Konstitusiialyq sot qyzmetın sifrlandyru mäselesıne erekşe nazar audarǧan. Aitularynşa, sifrlyq şeşımder – sottyŋ aldaǧy damuynyŋ negızgı baǧyttarynyŋ bırı. Atap aitqanda, azamattar men käsıpkerlerdıŋ ötınışterın qarau räsımderın jeŋıldetu jäne olardy qarau merzımın jedeldetu közdelıp otyr.
Sondai-aq konstitusiialyq şaǧym institutynyŋ tiımdılıgın arttyru şaralarytalqylandy. Ūsynysqa säikes, sot qoldanǧan zaŋ Konstitusiiaǧa säikes emes dep tanylǧan jaǧdaida, būl sot şeşımın qaita qarauǧa negız bolady.
Aita keteiık, Özbekstanda ärtürlı deŋgeidegı sot otyrystary Joǧarǧy sot jüiesı arqyly onlain rejimde körsetıledı. Sonymen qatar prosesterge beinebailanys arqyly qatysu mümkındıgı bar. Ol üşın arnaiy baǧdarlamalyq qamtamasyz etudı jüktep, sot aldyn ala ūsynǧan login men qūpiiasöz arqyly jüiege tırkelu qajet.
