Abai oblysynda myŋǧa juyq qūryltaişysy bar “K-Dorstroi” kompaniiasyna tiesılı asfalt zauyty auksionǧa şyǧaryldy, dep habarlaidy "Adyrna" ūlttyq portaly,
Qarjy ministrlıgı Memlekettık kırıster komitetınıŋ mälımetınşe, mülık kompaniianyŋ salyq bereşegın öteu üşın satylmaq.
Auksionǧa Aiagöz qalasynda ornalasqan stasionarlyq, sikldık E-mak Express 204 FUM asfalt zauyty qoiyldy. 2025 jylǧy 28 qaraşada jasalǧan baǧalau esebıne säikes, mülıktıŋ naryqtyq qūny 245,5 million teŋgenı qūraidy. Sauda memlekettık “Mındet” servisınde ötedı jäne 26 jeltoqsan künı saǧat 11:00-de bastalady. Bastapqy (eŋ tömengı) satu baǧasy 159,6 million teŋge, kepıldık jarnasy 36,8 million teŋge dep körsetılgen.
eGov derekterıne säikes, “K-Dorstroi” kompaniiasynyŋ şamamen myŋǧa juyq qūryltaişysy bar. Bıraq olardyŋ esımderı jariialanbaidy. Kompaniia 1993 jyly tırkelgen. Kompra servisınıŋ mälımetınşe, qūrylǧan sätınen bastap 2019 jylǧa deiın resmi türde körsetılgen qūryltaişylary bolmaǧan.
DFO portalynda jariialanǧan 2022 jylǧy qarjylyq esepke säikes, “K-Dorstroi” aksiialarynyŋ 95%-y “Selintransstroi” kompaniiasyna tiesılı. Kompra mälımetınşe, būl kompaniianyŋ ielerı — Sabit Qanatov pen Tahip İskandarov. Sabit Qanatov 2000 jyldardyŋ basynda Memlekettık kırıster vise-ministrı ärı Salyq komitetınıŋ töraǧasy bolǧan. 2008 jyly BAQ onyŋ ırı kölemde salyq töleuden jaltarǧany üşın sottalyp, keiın raqymşylyqqa ılıkkenın habarlaǧan.
Kompaniianyŋ 2022 jylǧy şyǧyny 2,77 milliard teŋgenı qūraǧan. Sondai-aq 2024 jyldyŋ jazynda Bas äskeri prokuratura memleketke keltırılgen zalaldyŋ 1 milliard teŋgege juyq bölıgı ötelgenın mälımdegen. Sot qorǧanys ministrlıgınıŋ talap-aryzyn qanaǧattandyryp, kompaniiadan 1 milliard 36 million teŋge avans pen 31 million teŋge ösımpūl öndıru turaly şeşım şyǧarǧan.
